Kurland Property Records

Document text

back to search

Bauer480

Johann Blomberg auf der Lassde verkauft dem Augustinus von Gethelen, Dompropst von Kurland, Haus und Hof an der Lasche mit 2 Gesinden und dem zugehörigen Land für 200 Mark und 1 Last Roggen. o. O., 1554 Mai 4
Verkaufsurkunde Text nach A. Bauers Abschrift von der Ausfertigung (A).
Überlieferung:
aus A: Ausf.
Material: Perg.
Hide variants and comments | Show variants | Show comments | Show variants and comments |
Ich Johan Blomberch up der Lassde bekenne vor allesweme unde idermennichlichen mit dussem mynem vorsegeldenn brewe, dat ick dorch unnde van wegenn mynes betheren nuttes unnde ahnliggennde nottroffth myt wohlbedachtem mode unnde rechtem wethen, dartho myth fullborth myner ehelichen hussfrouwen Margarete Snauels eynen uprichtigenn, redelichenn unnde bestendigen ko^ep myt dem erwerdigenn, achtbaren unnde hochgelarthenn heren Augustino van Gethelen, dompraweste tho Churlanndth, gemacket, upgeriht unnde vullentagenn hebbe dergestalt unnde also beschedentlich, dat ick Johann Blomberch s. a. erw. myn huus unnde hoff up der Lasede mit II gesinden, genanth Thomas Sudebarde unnde Wylhelm, unnde so vele hakenn lanndes, ock allen synem recht thobehorigenn lande, acker, hewslegenn, honnichbomen, visscherien unnde dergelicken in aller mathenn, wie ick datsulvige alles besethenn unnde ingehatt, redeliches unnde rechtes kopes vorkoft hebbe, overlaten unnde afgetredenn vor 200 mrk.#marck redes geldes unde 1 last roggenn, welcher ick tho fuller noge enthfanngenn hebbe. Worenthjegenn gelave, rede unde vorsprecke ick my hirmyt, sollich huus, hoff, lanndth, acker unnde hewslege s. a. erw. fry, qwith unnde ahne alle beswheringe jenniger hemlighen edder offentlichenn schulde edder vorpendinge tho leverende unde tho gewherende. Im fall averst (:dat Godt vorbede:), so des inn kumpstigenn tydenn ethwes befundenn unde dat sust jenniger persoen halven villichte rechtmetige anfurderinge edder anspracke darw[edder]% verblaßt A geschege, so sollenn s. a. e. derwegen tho anthworthende ungehaldenn unnde unvorplichtet synn, sunder wyll unnde sall ik Johann Blomberch alsdann wiederholt A dartho anthworthenn unnde s. a. e. in allem den unnde sust vor aller anspracke schadeloes holdenn. Duth alles obgeschreven belave ich stetz, fest, unvorbrochlichenn, warhaftigenn wedder alle uthflucht sunder bedroch unnde geferde by gudem christlichenn gelovenn tho holdende. Inn orkunde unnde tho mherer, steder unnde vaster holdingge alles upgemelthenn hebbe ich denn erbarenn mynenn leven gefedderenn Jurgenn Blomberch unnde denn ersamen unnde vorsichtigenn Dynniges Nieborger, voigt thom Hasenpote, gebedenn, dussenn breff sampt my myt ehrenn gewonthlichenn segelen tho bevestigenn, de gegevenn unnde geschrevenn fridages nha unses Heren hemmelfarths dage anno dusenthvifhundert unde im veerundeveftigestenn jar.(?)
comment
pressureTextgrundlage ist A. Bauers Abschrift von A.