Kurland Property Records
Document text
back to search
Bauer298
|
OM. Johann Freitag von Loringhoven belehnt Heinrich Kregenvenger und seine Erben mit einem Stück Landes im Amt und Kirchspiel Doblen in beschriebenen Grenzen zu Lehngutsrecht.
Kirchholm,
1486 Febr. 26
Lehnsurkunde
Überlieferung:
aus A:
Ausf.
Material:
Perg.
Archiv:
Riga, Hist. StaatsA., Best. 5561, Fb. 4, Akte 135; GStAPK, VIII. HA B 24: Sammlung Stavenhagen Urk. Nr. 149
|
| Hide variants and comments | Show variants | Show comments | Show variants and comments | |
| Wie broder Johan Fridach vam Loringhaue, meister to Liefflandt Dutsches ordens, bekennen unnde betughen apenbar mith dissem unßem breve, dat wie mith rade unnde vulborth unsir erßamen medegebediger Hinrick Kregenvenger unnde allen synen rechten waren erven gegeven unnde vorleneth hebben, geven unnde vorlenen in krafft disses breves eyn stucke landes [Das Lehnsgebiet liegt im äußersten Südwesten des Doblenschen Komtureigebiets und könnte etwa in der Gegend von Kruschkaln 21 km sw Doblen zu suchen sein.], so unnde alße dat im ampte unnde kerspell to Dobbeleen in disser nageschreven mercke unnde schedinge iß belegen: inth erste antogaen bie twen weghen, de sick scheden, de eyne na Berssendorp [Ob Bershof 11 km nö Doblen?], de ander na der Saym [wohl Z^veimelis (Seimen), in Litauen unweit der kurl. Grenze südwestl. von Bauske gelegen], dar eyne kule licht van der kulen to gaen van teken tho teken dor dat Nedersche brock up de Balson, dar eyne kule unnde eyn ekenbom steith langes de Balson to gaen beth an eynen wech deme weghe eyn weynich to volgende beth an eyne kule van der kulen recht dor eyn brock to gande beth up de Beberoth so recht dor up den Witpetschen wech [Weg nach Weitenfeld 30 km sw Doblen], dar ock eyne kule licht van der kulen langes den wech to gaende beth up de Witpetsche see tusschen beyden seen dor to gaen recht up eyne wilt kule van der kulen recht dor tho gaende beth up eyn ander wilt kule so vorth up den Ansschen wech, dar ock eyne kule licht van dar recht aver den wech beth up eynen bornen so wedderumme up den Ansschen wech, dar ock eyne kule iß dar wedder aver den wech dor eyn brock up eyn kleyn seeken dor de see langes eyne sype an eyne brugge van dar langes dat b[ro]ck an eyne blynde grove, dar eyne kule licht van der kulen recht up to gaende in Slonen wech, dar ock eyne kule iß van der kulen recht aver den wech to treden in eyn brock van teken to teken tho volgen beth up de Ackmansche strowthe dar ock over den wech to treden so vorth to gaende beth up de Auwatsche brugge van der bruggen vorthan to gaende beth up de erstgenanthe kule mith allerley tobehoringe, nuth unnde beqwemicheit, wo de genometh sien edder genometh mogen werden, alse an ackern geradet unnde ungeradet, hoyslegen, weßen, weyden, vedrifften, holtingen, wolden, busschen, birßen, watern, beken, seen, sypen, honnichbomen, honnichweyden, visscheryen, vogelyen etc., unnde wor Hinrick Kregenvenger unnde alle syne rechten waren erven vorgemelth mogen recht to hebben, nichtisnicht buthen bescheyden, vorthan to hebbende, to besittende, to gebrukende unnde to beholdende vry unnde fredesammichliken na leengudes rechte to ewigen tyden. Des tor orkunde unnde tuchnisse der waerheit hebben wie unße ingesegill unden an dissen breff lathen hanghen, de gegeven iß tho Kerckholm am sondage Oculi in den jaren na Cristi geborth dusenthveerhunderth unnde darna im seßunndetachtigisten jare.(?) |