Kurland Property Records

Document text

back to search

erg0781

OM. Wolter von Plettenberg erneuert Heinrich von dem Brincke seinen durch Feuer versehrten, von OM. Johann von Mengede gen. Osthoff 1461 Okt. 9 ausgestellten Lehnbrief. Burtneck, 1531 Juni 30
Konfirmation; Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 88; GStAPK, VIII. HA B 24: Sammlung Stavenhagen Urk. Nr. 313
Hide variants and comments | Show variants | Show comments | Show variants and comments |
Wye Woltter vonn Plettennbergk, meister Duidtschs ordens tho Lifflande, doenn kundt, bokennen und getuigenn apennbar inn unnd midt dissem unnserm apenenn vorsiegeldenn brieve vor allermennigklichenn, dat inn dato vor unns irschenen unnser lieve getruwe Hinrich vonn dem Bringke, einenn pergamenenn vorsiegeldenn lehennbrieff, die jedoch durch ungefall des vhures sunst ann siem segell etzlickermatenn verwarloset unnd gebregklich, durch unnsernn szeligenn vorvader hernn Johann vonn Mengede, genannt Osthoff, mi[ld] er im Knick des Pergaments, auf Foto nicht lesbar gedacht inn den jarnn Christi unnsers herrenn dusenntvierhundert unnd darna im einunndesoestigestenn dages Dionisii inn unnserm unnd unsers ordenns schlotte Riga gegevenn und uthgegangenn, unns vorgebracht, ertoget unnd vorlesenn lathenn, mith underdenigem biddenn, wie ehme unnd allenn sinenn rechtenn warenn ervenn densulvigenn tho wyder unnd mherer urkundt, sicherheit unnd bevhestigunge gnedigklich renoviernn, vorniienn unnd bostedigenn woldenn. Diewile wie dann sodanenn brieff inn eigenntlicker unnd grundtlicher bosichtigunge, averlesunge unnd erwegunge der gebore, billicheit unnd rechtenn gemeth erfundenn, derwegen wie inn annmerckunge gestimptenn Hinrich vonn dem Bringke wue yedermennigklichenn inn sinenn redenn unnd rechtenn tho furdern unnd tho beholdenn plichtich unnd inn allenn gnadenn geneiget, hebbenn wie sodanns sin anregenn unnd bede gefuglicher wysse desterminder tho weigernn gewetenn, demnach dennsulvigenn itzgemeltenn brieff renoviert, vorniiet unnd bostediget, als wie denn inn crafft disses unsers apenen vorsiegeldenn brieves ock renoviernn, vorniienn unnd bostedigenn jegenwordigklich vonn wordenn tho wordenn, also wie volgedt ludende: Folgt Urkunde Nr. Bauer 237. Des tho merer urkundt hebbenn wie Woltter, meister upgenannt, unnser ingesiegell rechtes wetenns unndenn ann dissenn breff lathenn hanngenn. Gegevenn unnd geschrevenn tho Burthnick frigdages nach Petri unnd Pauli apostolorum im jare Christi unsers hernn geborth dusennthvieffhundertunndeinunndedertigestenn.