Kurland Property Records

Document text

back to search

erg0090

OM. Wolter von Plettenberg belehnt Klaus Franck und seine Erben mit 2 Haken Landes, genannt Hermann Hanten Land, im Gebiet und Kirchspiel Kandau, wie dies Peter Marpborch besaß, einem Stück Landes im Ackertal mit mehreren Heuschlägen, das zuvor Hermann Hante gehörte, 2 Haken Landes in Markgrafen im Gebiet Kandau und im Kirchspiel Talsen, wie diese Wilhelm Rummel und Konrad Goltbecke besaßen, einem Stück Landes von 12 Lofstellen, genannt Poyenland, und 3 Haken Landes bei dem Dorf Puhren im Gebiet Kandau, wie diese Mannichmenne und Spude besaßen, alles zu Lehngutsrecht. Tuckum, 1495 Sept. 7
Lehnsurkunde Text derzeit nach E. v. Fircks, Neue Kurländische Güter-Chroniken, Mitau 1900-1905, Beil. Nr. 102, dort nach der Ausfertigung.
Überlieferung:
A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 156; GStAPK, VIII. HA B 24: Sammlung Stavenhagen Urk. Nr. 169
Hide variants and comments | Show variants | Show comments | Show variants and comments |
Wie broder Wolter van Plettenberge, meister tho Liefflande Dutsches ordens, bekennen unde betugen in dusseme unßem apenen breve apenbar vor alßweme, dath wy mit raede, willen unde volborth unser ersamen medegebedigernn Clawes Ffrancken unde alle sinen rechten waren erven gegeven unde verlenth hebben, geven unde verlenen in crafft unnde macht dusses broves twe hacken landes, genomet Herman Hanten landt, im gebede unnde kerspele tho Candouw, alz dat Peter Marppborch aller vriest bßetenn unnde gebrucket hefft, in dusser nagescrevenen schedinge unnde marckte belegen: int erste uth der molenbeecke upp tho volgende, dar eyne kule is
von der kule tho volgende an eynen steyn mit eynem cruce
van deme steine vorth an to volgende upp eynen steyn mith eynem cruce
dan tho rechter hant upp to gande langeß an Kerstingen Louwgall zien landt, dar eine kule iß
der kulen stragkes over to gande an den Rumeschen wech, dar eyne kule is
deme wege daill tho volgende upp eyne brugge
van der brugge in desulvigenn molenbeecke
dartho noch eyn stucke landes, dat Herman Hante thogehoret hefft, in ackertaele belegen, mith etzwelcken hoysleyenn na Wisteßemen in den dexten belegenn van twintich staken hoyes
item noch twe hackenn landeß, de belegen zin tho Mergeraa, alz de Wilm Rummel unnde Cordth Goltbecke thovorenn allervriest gebrucket unnde beßeten hebben, im gebede tho Candow unnde kerspell thor [T]alstenn inn dusser nagescreven veltmerkenn unnde schedingen belegenn, alz hirna gescreven steith: int erste anthohevende an deme Angerschen wege, dar eyne kule iß
van der kulen vorth to gande na eynen brocke, dar eyne kule iß
van der kule langeß dat gebrockte to volgende beeth tho deme bercken orde an der Angerschen see belegenn
vorth van deme bercken orde to gande beth in de Angerschenn see bieth tho eynem steyne, myth eynem cruce getekenth
vordth van deme steyne dorch eyn brockt, dar eyne kule iß
van der kule vorth to gande byeth an de Karuschen see
vorth de Karuschen see midden dor beth an eyn vleyth
deme vleyte to volgende bieth in de solten see
vorth der solten see tho volgende bieth dar zick de scheydinge ersten anhevet
item noch eyn stucke landeß van twelff lo^eppe steedenn, geheyten Poyen landt Poye lant ebenfalls schon inbegriffen sind.
item noch dree ha^eken landes by deme derppe Pure im gebede tho Candouw, alz de Mannichmenne unnde Spude allervriest thobevorenn beßetenn unnde gebrucket hebbenn, in dusser nagescreven veltmercken unnde schedinge belegenn, alz hir navolgende gescrevenn steith: int erste anthohevende van der vleten Abouwe van eym steyne, mit eym cruce gtekent
van welken to gande van kulen tho kulenn bieth an den wech, de van deme derppe Pure tho Tuckem geith, tho eym steyne, mith eynem cruce betekent
van welken deme wege tho volgende van kule tho kulenn beth an eyn vleyth, geheiten Swarrenbeecke, dar bewißlick iß eyn steyn, mith eynem cruce betekent
over de vleyten to gande van kule tho kulenn beth an den wech, de dar geyt van deme derppe Bußenn na Tuckeme, dar eyne kule is
densulvigen wech over to gande, dar eyne kule iß, unnde vorth to gande van kule tho kulenn aver eyn brockt beth tho deme wege, de dar geyt na deme dorppe Sathen, dar eyn steyn iß mith eym cruce betekent
vrye densulvigen wech to gande van kule tho kulenn beth tho eyner sy^eppe, dar eyne kule iß
de zulffenn syeppenn aff to gande beth tho eyner stede, dar ze velth in dath vleyth Abouwe, dar eyn steyn iß mith eym cruce betekent
de zulffte vleithe Abouwe aff to gande beth tho deme ersten steyne mith eym cruce betekenth, van welken de vorgedachte schedinge hevet angehaven
szodan landt unnde lantgudt meth allerley thobehoringe, nuth unnde beqwemichtheit, wo de genomet sien edder gnomet mogen werden, alße an ackerenn geroedet unnde unngerodet, hoyßlagenn, weßenn, weydenn, vedrifftenn, holtingenn, busßchenn, woldenn, birßen, wateren, seen, beeckenn, sy^eppen, honnichbomen, honnichweydenn, visscheryenn, vogelienn etc. unnde wor Clauws Ffrancke unnde alle zyne rechten waren erven vorgemelt mogen recht to hebben, nichtißnicht buten bescheydenn, vorthan tho hebbende, tho besittende, tho gebruckende unnd tho beholdende vrye unnd vredesamichlicken na leengudes rechte tho ewigen tydenn. Vorder tzo hevet unns Clauws Ffrancke tho derkennen gegeven, dat van deme lande, dat eme van unßen zeligen vorvader meister Vitinchove versegelt is, eyne uthbuith geschenn is, alz dat ensodanen hoyslach, alz dar belegen is vor deme slotte Talstenn, Zallancken genannth, gekomen is tho deme amppte tho Candouw, unnd derhalven szo is dusser broder ergedacht, alz Mannichmenne unnde Spude, gudth wedder gekomen an Clauws Ffrancke. Dusses unde aller vorgescrevener szackenn thor tuchnisße der warheit hebben wy unße ingesegell unden an dussen breff laethen hangenn, de gegeven is tho Tuckeme am avende nativitatis Marie virginis in den jaren na Cristi geborth dusentverhundert im viffundenegentichsten jare.(?)