Kurland Property Records

Document text

back to search

erg0075

Ewert Lambsdorff, Mannrichter in Kurland, mit seinen Beisitzern Klaus Francke und Hermann Dönhoff entscheidet in gehegtem Gericht auf dem Goldinger Manntag den Streit zwischen Hermann Dumpian und Ludwig Buttler um ein Stück Landes zugunsten des ersteren. Goldingen, 1497 Sept. 10
rechtliche Auseinandersetzung Text nach E. v. Fircks, Neue Kurländische Güter-Chroniken, Mitau 1900-1905, Beil. Nr. 37, dort nach Kopie von ca. 1600.
Überlieferung:
B: Kop., um 1600
Hide variants and comments | Show variants | Show comments | Show variants and comments |
Ick Ewerdt Lambsdorff, vonn wegenn mynes genedigenn herrn meyster tho Liefflande mannrichter inn Churlandt, bekenne und betuge mitt dussem ordellsbreve mitt mynenn beydenn bysitternn, alß Claws Francke und Hermenn Dönhoff, datt wy im gehegedenn recht tho Goldingenn gesetenn hebbenn tom manndage inn gegenwerdicheit des ehrwirdigenn herrenn Hinrick vann Gallenn, comptur to Goldingenn und broder, [und] des werdigen herren Kerstenn Sellbach tho Candaw, datt vor unß gekamen sindt de erbarenn manne Hermann Dumpiate und Lodwich Buttler, de dann twystsacke tho doende gehatt hebbenn umb ein stuck landes und hebbenn ere schrifft und breve vann beyden partenn vor recht gewyst und lesen lathenn. Alß hebbenn de erbarenn gudenn mans samptlickenn in Churlande erkandt und mitt ordell und recht ingebrockt, datt Hermann Dumpian sine schriefft und breve up datt vorgedachte landt holdende de eltesten breve hefft
und dartho so hefft de ehrlicke frame frow, de olde Dumpiatische, vor unß allenn gespracken und gesacht by ehrenn frowlickenn ehrenn und by ehrer seel und sahlicheitt, datt nymandt nehger recht tho dem ehrgedachtenn lande hebbe denn ehre kiender. Dartho so thugenn dattsulwete ock de oldenn landtsathenn aldarsulvest im gebede tho Candow vor dem werdigenn vagdte tho Candow und vor den guten mans. Des thor ohrkunde und tuchnusse der wahrheitt so hebbe ick bavenngenandt mannrichter mit mynenn beydenn bysitternn unß angebarenn insegell unden upt spatzium dieses breves gedruckt, de gegevenn und gesche"enn iß tho Golding am sontag na nativitatis Mariae anno 1497.
comment
pressureTextabdruck nach NKGChr. Beil. Nr. 37.