Kurland Property Records

Document text

back to search

erg0063

Wessel von Aldinchoven, Vogt von Kandau, verkauft Poye und seinen Erben ein Stück Landes von 8 Lofstellen in der Feldmark der Pagast Ansen gegen einen jährlichen Zins von 4 Hühnern. [Kandau], 1401 Juli 25
Verkaufsurkunde
Überlieferung:
aus A: Ausf.
Material: Perg.
Archiv: GStAPK, VIII. HA B 24: Sammlung Stavenhagen Urk. Nr. 43
Hide variants and comments | Show variants | Show comments | Show variants and comments |
Witlich sy alle dengennen, de dessen bref seen, horen edder lesen, dat wy broder Wessel van Aldinchouen, eyn voget to Kandouwe, desseme jegenwardigen brefwiser Poyen unde zynen rechten erven recht unde redelyken vorkoft hebben eyn stucke landes van achte lope zades, bynnen der veltmarke der pagest to Ansen belegen, by zodanen bescheyde, dat he, Poye vorbenomet, efte zine erven alle jar deme huse to Kandouwe veer honre to tynse solen gheven
unde by deme vorgescreven stucke landes an eyneme sype dar vor hentredende to eyner schedinge eyne kule gegraven is, van der kulen demesulven sypen to der luchtern hant to volgende bit an eyn broek und vort by dem broeke to der rechtern hant alumme to gande bit an den vorscreven syp, deme sypen to volgende bit weder an de vorscreven kulen. Des to eyner merer bevestinge unde betuchnisse zo hebbe wi dat ingesegel der vogedye to Kandouwe an dessen bref gehangen. Gegheven nach den jarn unsers heren Christi dusentveerhundert und in deme ersten jare darna an sunthe Jacobz daghe des werden apostels.