Kurland Property Records

Document text

back to search

erg0048

OM. Wolter von Plettenberg belehnt Heinrich Buttler, Hansens Sohn, und seine Erben mit einem Stück Landes im Kirchspiel und Gebiet Kandau in beschriebenen Grenzen, einem weiteren Stück Landes zwischen dem Adsirnschen und dem Deguhnschen Weg in beschriebenen Grenzen sowie dem Land Ruhmen, das Heinrich Buttler von Vetpantze gekauft hat, alles zu Lehngutsrecht. Tuckum, 1511 Sept. 11
Lehnsurkunde Text nach E. v. Fircks, Neue Kurländische Güter-Chroniken, Mitau 1900-1905, Beil. Nr. 4, dort nach der Ausfertigung.
Überlieferung:
A: Ausf.
Material: Perg.
Hide variants and comments | Show variants | Show comments | Show variants and comments |
Wy Wolter van Plettenberg, meister tho Lyfflande Duttsches ordens, bekennen und betugen apenbar in und mit dussem openen vorsegelden breve, dat wy myt rade, willen und volbort unser erßamen mitgebediger gegeven und verlehnt hebben und in crafft dusses breves geven, genen und verlehnen Henrick Butler, Hanses sone, und alle synen rechten waren erven eyn stücke lands im kerspele und gebede tho Candow in dusser nabescreven scheding belegen: int erste antohevende an dem Adßerschen wege, dar eyne kule is, van der kule recht vort to gande langeß Mosth syner scheding bit an eyn brock, Smyrden genompt, dat brock strack durch to gande bit an eyn syp, dar eine kule is, van der kulenn dat syp up to gande beth an Symons syner scheding, dar eyn bom myt eynem crutze getekent is, van dem bome vort to gande an eyn syp, dem syp up to gande bit an eynen sten mit eynem crutze getekent, van dem crutze vort to gande bit tho eynem andern stene myt eynem crutze getekent, van dem stene vort to gande bit an eyne kulen, van der kulen vort to gande bit an eyne andere kulen, by der kulen af to treden op der luchter hant langest eyn gebrokete, dem gebrokete to volgen, bit dar eyne kule is, van der kulen vort to gande bit up eyne herde, dar eyne kule is, de herde af to gande to eyner kulen, van der kulen vort to gande bith an den Laxschen wech, dem wege to volgende bit an eyne kulen op de luchter hant dorch eyne vuchtnisse bit an eynen sten myt eynem crutze getekent, van dem crutze vort to gande bit an eyn gebrokede, dar eynn sten licht myt eynem crutze getekent, dat gebrokede langes to gande bit an eyne kulen, van der kulen up te luchter hant dat gebrockte dorch to gande bit an Donhoffes hoyslach, dar eyne kule is, van der kulen vort to gande vunn eynen hoyslach myt crutzen getekent bit an eyne vuchtnisse, dar eyn kullen is, de vuchtnisse up to gande, bit dar eyne kule is, vort van dar to gande bit an den Sameitischen wech, dar eyne kule is, dem wege vort to volgende bit an eyn vleyt, vort dorch to gande demsulven wege to volgende langest Musth syne schedinge, bit dar eyne kule is up de luchteren hant, vort van der kulen dersulven schedinge to volgende bit an den Aserschen wech, dar sick de schedinge erst anhevet. Item noch eyn stucke landes belegen tuschen Aserschen und Dagunnschen wegen wegen, int erste autohevende up dem Dagunnschen wege, dar eyne kule is, up de luchter hant by eynem hoyslage um to gande, vort up eyne hogede dorch eyne vuchtnisse, dar eyne kule is, van der kulen vort to gande bit to eynem eyken bome myt eynem crutze getekent, van dem bome vort to gande dorch eyn gebrokede van kulen tho kulen bit an den Aserschen wech, dar eyne kule is, dem wege to volgende van vuchtnissen to vuchtnissen bit to eyne eyken bome myt eynem crutze getekent, van dem bome vort to gande vom Aßerschen wege bith an den Dagunstischen wech, dem wege to volgende bit an eyne kulen, dar sick de schedinge ersten anhevet. Noch das landt tho Rumen, syn gekoffte kop, als dat Vetpantze tovorne besetten und gebruket hefft, myt allerleye tobehering, nut und beqwemicheit, wo de genomet syn edder genomet mogen werden, als an ackeren geradet effte ungeradet, hoyslegen, wesen, weyden, vedrifften, holtingen, buschen, welden, birsen, watern, becken, seen, siepen, honnichbomen, honnichweyden, vischerien, vogelien, nichtesnicht buten bescheden, vortan to hebbende vrie und vredesamlicken na lehngodes rechte to ewigen tyden. To urkunde unnd tychnisse der warheit hebben wy unse ingesigell rechtes wetendes undden an dussen breff don hangen, de gegeven und geschreven is tho Tuckum donnerstags na nativitatis Marie na Christi unses herrn gebort imm vyffteinhundersten und elfften jare.(?)
comment
pressureTextabdruck nach NKGChr. Beil. Nr. 4.