Kurland Property Records

Document text

back to search

Bauer405

OM. Wolter von Plettenberg belehnt Hildebrand von Brockhusen und seine Erben mit dem gekauften Landgut im Amt und Kirchspiel Doblen, das Cort Grewe früher besaß, sowie mit mehreren namentlich genannten Einfüßlingen und Gesinden und ihrem Land zu Lehngutsrecht. Wolmar, 1526 Juni 19
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 259; GStAPK, VIII. HA B 24: Sammlung Stavenhagen Urk. Nr. 284
Hide variants and comments | Show variants | Show comments | Show variants and comments |
Wie Wolther vonn Plettennberg, mester Duitzsches ordenns tho Lifflannde, doenn kunth, bokennen unnd botugenn mith dussem unnserm vorsegeldenn breve, dat wie mith willenn, rade unnd vulborde unnser erßamenn medegebedeg[e]rnn Hillebrannth vonn Brockhuesenn unnd allenn ßinenn rechtenn warenn ervenn gegevenn, gegunt [und vorlent hebben], alse wie inn chrafft dusses breves geven, gonnen und vorlenenn sinenn rechtenn wolgekofftenn koep, sodann lanndt unnd lanndtguidt, alse dat im ampte unnd kerßpell tho Dobbelenn bolegenn unnd Cort Greue ßust lannge bosetenn unnd gebrucket hefft, nach luide unnd innholde Corth Greuenn sinem oldenn lehennbreve, alse dat inn ßinen marcken unnd scedingenn gelegenn is. Dartho gevenn, gonnen unnd vorlenenn wie eme unnd ßinen rechtenn warenn ervenn ein geßinde, Aawßoede Jackenn, mith anderthalvenn hackenn lanndes unnd einen enfotelinck, Szelme Laurenns, inn der Bardorpeschenn wackenn. Noch ßo gevenn, gonne[n], vorlenenn wie eme unnd allenn ßinenn warenn ervenn ein geßinde, Pflipsenn genometh, bie Bulderinck siner szee mith einem halvenn hakenn lanndes unnd dat geßinde Mekull mith anderhalvenn haken lanndes unnd Magonn Dedre, einfoetelinck, mith erenn lanndenn, wes se ßust lannge gebrucket unnd bosetenn hebben inn der Szelmcksenn []% oder Szelincksenn pagast, mith aller nuth unnd boqwemicheit, wo de genometh sin ader genomet mogenn werdenn, nichtsnicht butenn boschedenn, na lehennguides rechte tho ewigenn tidenn. Dusses tho orkunde der warheit hebbenn wie Wolther, mester upgemelt, unnser inngesegell witlick ann dussenn breff lathenn hanngenn, de gegevenn tho Wolmer dinxschdages na Viti anno etc. dusenntviffhundert darna im soeßunndtwintigestenn.(?)