Kurland Property Records

Document text

back to search

Bauer391

Heinrich [Basedow], Bf. von Kurland, beurkundet eine Vereinbarung zwischen Johann von Sacken und dessen Brüdern über das Schloß Sacken und bestätigt ihm den Fortbestand seiner Erbansprüche, die ihm künftig nach dem Gesamthandrecht oder sonst zustehen möchten. Neuhausen, 1522 Apr. 26
sonstige Urkunde Text nach A. Bauers Abschrift von der Ausfertigung (A).
Überlieferung:
aus A: Ausf.
Material: Pap.
Hide variants and comments | Show variants | Show comments | Show variants and comments |
Wye Hinricus, vann Gotz unnd des Romischenn stoles gnadenn der kercken Curlant bisschop etc., donn kunt, bekennen openbar inn und myt dussem unssen open vorsegelden breve vor allenn und jwlickenn, de enn sehen oft horenn leszenn, dat de erbar und veste Johann van Sczacken, unsze leve getrewe, by uns vorgevende irschenen is, wo he enen fruntlicken handel des slotes tho Sczacken und syner vederlicken erven sampt synen brodern geholdenn, darmyt he van synen brodernn und dem husze tho Sczacken wo navalget affgebeht: Dar#Dat sick Johan dat stenhus an dem husze myt dem rume darvor beth, ann und neven dem orde des stocks muren und syn del am hackelwercke und allen andern tho gelicker delinge beholden, dar tho synem und syner erven bestem nach synem gemute und beqwemycheit tho buen und ane jenich behynder vor synen brodern und alle weme tho besitten, so de vordracht breff van an#en allen gegeven wider nabringet etc. Vorder bekenne wy, Hinricus vorben(ompt), dat sick Johan van Sczacken inn dem fruntlicken handel myt synenn brodern beholden heft aller ervynge und anfalles, wes em na der samdenhant und sust thokomen und anfallen mach nu und inn thokomen[den] tiden, vor sick und all synen erven dar nicht van geszundert tho synde, bysszunder in allen rechten de beholden und unvorvencklicken tho geneten. Derhalven uns als synen naturlicken lansherrn inn aller erwynge, wo vorstet, en und all synen erven nach und in aller besten forme nach gebore des rechtes tho bewaren denstlick angefallen und gebeden, de tho confirmeren und thotholaten, welk wy eme der billicheit na nicht hebben weten tho weyern. Hirmyt bewillen, confirmeren und tholaten wy Hinricus etc. vor uns unde idermennychlicken Johan und alle synen erven alle erftals#erffals, de em nach der samdenhant und sust anfallen mogen, de unvorvencklicken myt alle synen erven ane jenich behelp oft hynderlist tho geneten. Dusses tho merer bevestinge in orkunde der getuchnisse der warheit hebben wy Hinricus etc. unser maystat sigil hir[unde]r an witlick don hangen. Gegeven und gescreven thom Nienhusz sunavends na Marci evangeliste anno etc. 22. Wy Hinricus van Gades gnadenn bovengheroret vorszegelenn dyth unnszer unforfenncklick Johan van Szacken syneme gheholdenn handele myth synen broderen ghehath to gude unnd nemant anders.% teilweise unter dem Deckblatt (?)
comment
pressureTextgrundlage ist A. Bauers Abschrift von A.