Kurland Property Records

Document text

back to search

Bauer385

OM. Wolter von Plettenberg belehnt Tonnies Schulte und seine Erben mit einem Stück Landes im Gebiet und Kirchspiel Dünaburg in beschriebenen Grenzen sowie mit einem Stück Landes an der Düna, genannt Hasbalten Land, zu Lehngutsrecht. Wenden, 1520 Aug. 9
Lehnsurkunde
Überlieferung:
aus A: Ausf.
Material: Perg.
Archiv: Stockholm RA, Utländska pergamentsbrev, Estland & Livland 1520 9/8
Hide variants and comments | Show variants | Show comments | Show variants and comments |
Wye Wolther vann Plettennbergk, meyster tho Lyfflannde Duitzsches ordenns, bokennenn unnd betugen apennbar mith dusszem unszern openen vorszegeldenn breve, dath wie mith rade, willenn unnd vulbordth unnszer erszamen medegebediger Tonnies Schulten synenn rechtenn warenn ervenn gegevenn, gegunth unnd vorlennth hebbenn unnd in crafft disszes breves gevenn, gunen unnd vorlenenn tho lehenguide eynn stucke landes im gebede unnd carspell tho Duneborch inn disszer naboscrevenn schedunge: ersth anthohevende van der Schunten see over de Puruelackenn, van dar inn eyne szee tho gannde, gehetenn de Troste, beth ahn den holm, vorth inn de Ilenn becke tho gaennde, van der Ilenn becke, anders Jelnisze genanth, tho gaennde beth ahn denn slothbergk, vorth ahn de grote Buszenn szee, vann dar tho gaennde ahnn de kleyne Buszenn szee, unnd szo tho gaennde ahnn de Redekokenn szee, a[l]szdann eynn sypp entlangk van kulenn tho kulenn ahnn denn andernn slothbergk, vann dar tho gaennde van kulenn tho kulenn van bomenn tho bomenn beth inn de Matzynn szee, van dar vorth wedder van kulenn tho kulenn beth inn de Weltzenn szee, vann dar van bomenn tho bomenn, vann kulenn tho kulenn beth inn de Vdernn szee, szo vordann an de Melnen szee, vordann dorch eyne beke, gehetenn de Braslo, vorth vann kulenn tho kulenn tho gaennde dorch eyne heide ahnn de Kamenetz beke, vann dar dorch eynn brokete beth ahn eyne brugge, gehetenn de Smilthe, vann der bruggenn dorch eynn brokete, genanth Doubespurwe, vann dem brokete eyne becke entlangest, gehetenn Robonix, vann der Robonix entlanges Vinckenogenn schedunge vann kulenn tho kulenn beth ahnn de Dunekackte, vorth ahn denn halszs hals hier = fortlaufende schmale Anhöhe inn der Schuutenn, dar up eyne kule gegravenn mith kalenn, vorth twyschenn twenn holmenn dorch, de eyne horth Vinckenoge, de ander Tonnies Schultenn, vann dar middenn over de szee wenthe ahnn eynenn holm, de horth Tonnies Schultenn, van dar wedderumme beth inn de Puruelackenn
item noch gunenn unnd gevenn wy upgenant Tonnies Schultenn unnd synenn rechtenn warenn ervenn eynn stucke landes an der Dune, genant Hasbaltenn zynn lanndt, wo dat vann oldinges isth gelegenn, mith aller nuth unnd boqwemicheit, wo de genometh synn effte genometh mogenn werdenn, als ahnn ackernn geradeth unnd ungeradeth, hoyeslegenn, weszenn, weidenn, vedrifftenn, holtingenn, buschenn, byrszenn, brokenn, sipenn, sehenn, wathernn, vischerienn, vogelienn, honnichbomenn, honnichweidenn unnd wor de vorgescrevenn Tonnies Schulte unnd syne rechtenn warenn ervenn mogenn recht tho hebbenn, nichtes buthenn boschedenn, tho hebbende, tho bosittennde, tho brukende unnd tho boholdende frie unnd fredeszamlickenn na lehenguides rechte tho ewigenn tidenn. Dusszes tho mher tuchnissze der bokandenn warheit hebbenn wie Wolter vann Plettennbergk, meyster bavenngenometh, unnsze ingeszegill witlick undenn ahnn dusszenn breff doin hangenn, de gegevenn unnd screvenn ist up unnszers ordenns husze Wendenn nach Cristi unnszers h[e]rnn geborth duszennthvyffhundert darna in dem twyntigestenn jare ahm avennde Laurencii.