Kurland Property Records

Document text

back to search

Bauer378

OM. Wolter von Plettenberg belehnt Everdt von der Hoven und seine Erben mit einem Stück Landes im Kirchspiel und Gebiet Mitau in beschriebenen Grenzen zu Lehngutsrecht. Wenden, 1517 Juli 16
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 222; GStAPK, VIII. HA B 24: Sammlung Stavenhagen Urk. Nr. 249
Hide variants and comments | Show variants | Show comments | Show variants and comments |
Wie Wolter vann Plettennberge, mester Dutzsschs ordenns tho Lyfflannde, bokennenn unnd botugenn myth dusszem unnßem apenn vorsegeldenn breve, dath wie meth willenn, rade unnd vulborde unnßer erßamenn medegebidigere Euerdt vann der Houenn und allen synen rechten waren erven fehlt hier versehentlich, da er am Ende der Pertinenzformel erscheint. gegevenn, gegunt unnd vorlenth hebbenn, gevenn, gunnenn unnd vorlenenn inn crafft diss[e]s unnsenn breves eynn stucke lanndes, im kerspell unnd gebede thor Mitow inn dusszer naboschrevenn schedunghe bolegenn: inth erste antogande ann Merfeldes schedunge, dar eyne kule gefullet ist unnd eynn bom meth enem crutze
vann dar de richte dorch denn busch biß upp de Elle, dar ock eyne kule unnd krutze gehowenn is
vann dar de richte upp de Ouder, dar eynn steenn inn der bekenn licht meth einem crutze
de Ouder up tho gannde bis ann de Littowssche schedunge, unnd ßo de Littowssche schedunge enthlannges bis ann eyne beke, genompth de Sidober
der tho volgenn bis ann eyne kappe, dar Merfelt siene schedunge anngeit
unnd ßo vort vann kulenn tho kulenn bis ann de bovenngerorde schedinge
meth allerley nuth unnd boqwemicheit, wo de genompt synn off genompt mogenn werdenn, als ann ackerenn geradeth unnd unngeradet, hoyslegenn, szehenn, birßenn, szypenn, vedrifftenn, weidenn, honnichbomenn, honnichweidenn, holtungenn, visscherienn, vogelienn unnd alleth, war Euerdt gemelt unnd alle siene rechtenn warenn ervenn mogenn recht tho hebbenn, vorthann tho hebbende, tho bosittende unnd tho gebrukende nach leinguides rechte to ewigenn tidenn. Duss[e]s inn orkunde unnd tuchenissze der warheit hebbenn wie Wolther, mester bovenngenompth, unnsze inngesegell unndenn ann dusszenn breff wittligh doenn hanghenn, de gegevenn is tho We[n]denn am donnerstage nach divisionis apostolorum na Christi unnßers herrnn geborth dußenntviffhundertt darna im szoventeindenn jare.