Kurland Property Records

Document text

back to search

Bauer375

Heinrich II. [Basedow], Bf. von Kurland, belehnt Wennemer Bar mit den Gütern des verstorbenen Lambrecht Swartewolt und erteilt ihm das Gesamthandrecht mit den Kindern Lambrechts, seinen Stiefkindern. Dondangen, 1506 Febr. 27
Lehnsurkunde
Überlieferung:
aus A2: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 190
Hide variants and comments | Show variants | Show comments | Show variants and comments |
Wy Hinricus, vonn Godes unnd Romsschenn stoles gnadenn der kerckenn Curlande bisschopp, bekennen unnd betughenn apenbar vor alßweme, den dusse unse apene breff wert getoget edder de ene sen, lesen effte horenn, gheystlick off wertlick, vann wat stande edder wesende de sin moghenn, dat wy myt willenn, werenn unnd vulborth unsers werdigenn capittels hebbenn vorlenet unnd geghunnet, vorlenenn unnd ghunnenn in crafft unnd macht dusses breves dem erbarnn unnd wolduchtigenn Wennemeren Barenn, angesen dat de steffvadere, dewile se de jaren in erenn steffkinderen ghuderen hebbenn, alle nuth unnd profith tho sick then, alle de ghudere vor sick unnd vor syne rechtenn warenn ervenn, de Lambrecht Swartewolt milder dechtnisse in besittinge hefft gehat unnd vorlenth sin vann unserm vorvarn Martino, Goth gnade siner sele, na lude unnde uthwisinge des breves darupp gemaket, de samede hant myt synen steffkinderenn unnd erenn rechtenn warenn ervenn umb des willenn, dat he de kindere seligen Lambrechts vorberurt desto beter vor sy unnd by en do, also he vor Gade van hemmele uns unnde anderenn erbarnn ludenn bekant wil sin
unnd off ydt sake were, de gemelte Wennemer Bare ane erven vorghinge, scholenn alle syne ghudere unnd vederlike erven an zeligenn Lambrechts kyndere vorvallen
unnd wedderumme off upgerurtte zeligen Lambrechts kyndere unnd rechte[n] warenn ervenn in Goth denn herenn vorsche^ende wurden, scholen alle de ghudere wedder vallenn an Wennemer Barenn unnd syne rechtenn warenn ervenn
des de vorberoerte Wennemer sick vorplichtet hefft vor sick unnde syne erven unnde dat ander part desghelikenn
myt allerleye tobehoringe, nuth unnd bequemich[ei]t erfflick unnde ewichlick to besittenn. Des to groter orkunde unnd merer tuchnisse hebbenn wy sambt myt unserm werdigenn capittele vorgedachth laten hangen unse ingesegele nedden an dussenn breff, de gegeven unnd gescreven ys up unsers kerken slate Dondangen vridages vor invoca[vit] im jar unses heren veffteinhundert im sostenn.
comment
pressureDurch die Ehe mit Margaretha, der Tochter von Gregor Hillebold, des Besitzers von Katzdangen (vgl. Erg. 359), gelangte zuerst 1492 Lambrecht Swartewold, dann 1506 Wennemar Bar und schließlich in dritter Ehe im Jahr 1520 Karl Soye in den Lehnsbesitz von Katzdangen, vgl. Genealog. Handbuch S. 108 u. 353.