Kurland Property Records

Document text

back to search

Bauer349

Jürgen Knurre bezeugt, daß er und sel. Heinrich Pepper als Bevollmächtigte Johann Lunings dessen Streitsache gegen Jürgen Fircks vor sechs Jahren in Wenden auf Befehl des Goldinger Komturs Heinrich von Galen nicht anhängig gemacht haben. Goldingen, 1501 [Mai 14](?)
rechtliche Auseinandersetzung Text nach L. Arbusow, Jahrbuch für Genealogie, Heraldik und Sphragistik 1897 S. 68 f. Nr. II,5, dort nach der Ausfertigung.
Überlieferung:
A: Ausf.
Material: Pap.
Hide variants and comments | Show variants | Show comments | Show variants and comments |
Witlick unnde appenbar kunt sy alle dengennen, de dessen breff seyn eder ho^eren leszen, geistlick effte wertlick, so bekenne ick Jurigen Knare myt dessem mynem appenbaren breve, wo dat Johan Lo^enynck aver szes jaren my unde salligen Henrick Peper vulmechtich gemacket hevet unnde dat ick unnde Hinrick Peper solden van Johan Lo^enynges wegen to Wenden vor rechte stan tegen den erbaren manne Jurigen Firkys. Unnde do ick unnde Henrick Peper to Wenden quemen unnde Johan Lo^enynges ordelbreve unnde leynbreve medde hadde unnde wolde van Lo^enynges wegen myt Jurigen Fyrckys to rechte gan, so quam myn erwerdige herre, her Henrick van Gallen, kumpthur to Goldingen, ut mynes genedigen heren des meisters kamer to Wenden unnde bevol my unnde Hinrick Peper, dat wy nicht solden to rechte gan kan A myt Jurgen Vyrkys van Lonynges halven, unnde sachte my, ick solde weder na Go^eldingen teyn unnd Lonynge syne breve to hussz brengen
wan he to Goldingen queme, so wolde he myt etlicken guden manne up de ho^eyslege riden unnde wolde de schelafftige sacke beseyn unnde wolde Firkys unnde Lo^enynge entscheden. So hebbe ick my na syner erwerdicheit bevel unnde heytten so gerichtet unnde byn na Go^eldynge getagen myt Hynrick Peper unnde hebbe Lo^enynck syne breve wedder to huissz gebracht. Des tor orkunde unnde warheyt, dat dyt also gescheyn is, so hebbe ick bavengenomet Jurigen Knarre tor tuchnyssze myn ingesegel unnde up dat spacien desses breves gedrucket, de gegeven unnde geschreven is to Go^eldingen im jar unsers heren Jhesu Cristi, do men schreiff duszentvyfhundertunndeeyn jar.
comment
pressureWegen des engen inhaltlichen Zusammenhangs mit Bauer 348 und der Angabe von Goldingen als Ausstellungsort liegt die Vermutung nahe, daß das Stück am selben Tag ausgestellt worden sein könnte. Textabdruck nach JbGen. 1897 S. 69 Nr. II,5.