Kurland Property Records

Document text

back to search

Bauer348

Heinrich von Galen, Komtur von Goldingen, bezeugt, daß in der Streitsache zwischen Jürgen Fircks und Johann Luning um einen Heuschlag die Bevollmächtigten des letzteren die Sache auf seine Weisung hin in Wenden nicht anhängig gemacht haben und daß das von Jürgen Fircks dort ohne sein oder der Bevollmächtigten Wissen erlangte Urteil keine Rechtskraft hat. Goldingen, 1501 Mai 14
rechtliche Auseinandersetzung Text nach L. Arbusow, Jahrbuch für Genealogie, Heraldik und Sphragistik 1897 S. 68 f. Nr. II,4, dort nach der Ausfertigung.
Überlieferung:
A: Ausf.
Material: Pap.
Hide variants and comments | Show variants | Show comments | Show variants and comments |
Wir broder Hinrick van Galen, cumppthur tho Goldingenn Dutsches ordensz, bekennen unde bethuigen myth dussem unsem offen breve vor alsweme, de en seen eder horn lesen, geystlick eder wertlick, so den de erbar man Jurgen Ffirckusz unde Johan Lunynck thosamende in twyste stan unde tho donde hebben umme eynen hoyslach, de gelegen isz in Lunyncksz beslothen schedinge, unde Lunynck den oldesten leenbreff hefft, de klarlicken inholdet, dath Lunynck sall hebben dertich staken hoysz upp dem hoyslage, so vorberort isz, so hefft Lunynck men twe kuyen hoys darsulwest. Unde Jurgen Ffirckus unde Lunynck hebben over ses jarn tho Goldingen thom mandage tho rechte gestan, unde dath de erbarn gudenmansz in Kurland myth ordel unde rechte irkant unde dath recht ingebracht hebben, dath Lunynck recht tho dem hoyslage hefft unde Jurgen Ffirckus afflathen unde den hoyslach nicht mer brucken sall. So schot Jurgen de sake thom landesdage unde loth Lunynge darhen. Unde vor dem landesdage starff Lunynges erlick husfrouwe
do quam Lunynck tho unsz unde beklagede sine noth, wo he best don solde, siner kinder unde neringe halven em swar anqweme, van husz tho thende. Do sachte wy em, he solde uthvragen, eff yemant van den gudemansz na dem landesdage uth Curlande then worden
de solde he bidden unde vulmechtigen unde sinen ordelsbreff unde leenbreve mededon, dath de van siner wegen tegen Jurgen Ffirckusz tho rechte standen. So hefft na unsem rade Lunynck also gedan unde hefft de erbarn mans Jurgen Knurren, Hinrick Pepper vulmechtich gemaket, de denne thom landesdage qwemen. Sachten se unsz, dath se van Lunynges wegen myth Jurgen Ffirkusz tho rechte ghan. Hadde wy myth unsem erwerdigen mester der sake halven worde gehat, so beffol unsz sin erwerdicheit, dat wy em getilgt B erst myth den gudemansz den hoyslach beseen unde solden Ffirckusz unde Lunynck in vruntschop entscheden. Do sachte wy tho Wenden Jurgen Knürren unde Hinrick Pepper, dath se myth Ffirckus nicht solden tho rechte ghan unde solden Lunynck sine breve wedder tho hus brengen. Demgelyken sachte wy Ffirckusz ok so, wo unsz unse erwerdige mester beffoln hadde, berorden eme darby, wo wy Jurgen Knurren unde Pepper gesacht hadden, dath se myth Ffirckusz nicht solden tho rechte ghan unde solden Lunynge sine ordels- unde lenbreve wedder tho husz brengen. Boven unse vorbedent isz Ffirckus tho Wenden vor dath recht gegan, dar wy, Jurgen Knürre, Hinrick Pepper nicht van wysten, unde hefft nemande thogesacht, unde hefft eynen ordelsbreff aldo gekregen, dar Lunynck sin ordelsbreff unde lenbreve unde vulmechtigen nicht vor rechte weren. Unde Ffirckusz unsz effte Knurren eder Pepper nicht van sachte, dath he vor dath recht ghan wolde
hedde he darvan gesacht, so solden em de vorgenomden gudemansz thor anthwort unde tho rechte gestan hebben. So vormenth Ffirckusz, dath he Lunynges hoyslege beholden wil myth dem ordelsbreve, den he also tho Wenden verworfen hefft sunder wedderanthworde. Dath wy denne hopen unde meynen, dath dat van nemande wert irkant werden, dath Ffirckus ordelsbreff sall macht hebben. Dath dyt so geschen isz, so hebbe wy thor tuchnisse unsesz ampptesz ingesegel wytlicken don drucken up dussenn breff, de gegeven unde geschreven ist to Goldingen am fridage na deme sondage Cantate anno Domini M+oV+oI+o.
comment
pressureVgl. den Spruch des kurländischen Mannrichters von 1497 Sept. 10 zu dem in Wenden einseitig erwirkten Urteil sowie das Zeugnis Jürgen Knurres, des einen Bevollmächtigten Johann Lunings in Wenden (Bauer 333 u. Bauer 349). Der Editionstext stammt aus JbGen. 1897 S. 68 f. Nr. II,4.