Kurland Property Records

Document text

back to search

Bauer337

Alexander von Fürstenberg, Hauskomtur von Goldingen, beurkundet die Aussagen des Hans Elerth, Bürgers von Goldingen, des Johann Lodinck, Ordensdieners, sowie acht genannter Bauern, daß die Grenze des sel. Johann Rynisch wiederholt verletzt und Heu von seinen Heuschlägen am Iwandenschen Weg durch die Bauern des Einwolt Treiden und des Johann Bockholt weggeführt wurde, woraufhin ein Gesinde namens Paul mit Erlaubnis des Hauskomturs von Goldingen, sel. Arnd Stryk, von Johann Rynischs Land weggezogen ist. Goldingen, 1498 Dez. 21
rechtliche Auseinandersetzung
Überlieferung:
aus A: Ausf.
Material: Perg.
Archiv: Marburg, Hess. StaatsA., Sammelstelle für baltendeutsches Kulturgut, Brfl. Groß-Iwanden (13 Perg.-Urkunden)
Hide variants and comments | Show variants | Show comments | Show variants and comments |
Ik broder Sander Vorstenberch, nu thor tith huskomptur tho Gollingen Dudesches ordens, bekenne unde bethughe mith dissem mynem apenbaren breve vor allesweme, de en szeen efthe horen lesen, geistlik adder wertlik, wo dath vor my in myne kamer tho Gollingen gekamen is en olth Dudisch borgere bynnen Gollingen, enes raithmannis szone tho Gollingen gebaren, geheten Hans Eelerth, unde en olt man, geheten Johan Lodinck, unnses ordens dener. Disse twe vorgedachtenn Dudeschen hebben vor my bavengedacht huszkomptur hoch by erer zelen zalicheith warhafftich gethugeth, wo dath en indechtich unnde witlik is, dath salie Johan Rynisch korth na syner blischap, alzo he to Gollingen up syme lande to Korben mith synen luden de pagesten heelth, dat do salie Johan Rynesche aldar solvesth alle de hogeslege in Rynischen schedinghe by deme Iwandeschen wege in ansprake gehat heffth unnde dartho up desolfte tith mith rechte unnde orlave des manrichters al dath hoge in syner schedinghe by deme Iwandischen wege bekrucigeth hadde. Dartho so hebben ok vor my gewesth in myner kameren to Gollingenn achte olde mansz, lanthsathenn, alse mynes oversten, des erwerdigen hern komptursz tho Gollingenn, buer, genant Anghe van Packargen, unnde Louen man, genomet Balthe Krewe, unnde dartho veer manne, dar ik nu thor tith van myns orden weghe vorrade vorraden = beraten, Fürsorge tragen, alzo mith namen myn olleste Hans van Velsen unde Koupe unde Peter unde Hermen van Boitkallen, unde dartho Alaff Tancken olleste unde de zu ergänzen van Kurmalen, geheten Merten Kaithin, unnde Hans Kaithin. Disse vorbenomde achte bure hebben och hoch by erer zelen zalicheit gethuget unde warhaftich gesacht, dat se enckede unde vasthe wethen unde klar indechtich is, wo dath Hans Pekenhorsth unnde zalige Bartolomeus Lisekensee Imkynus Lesekenzee in eer tidenn de vorgedachten hoigeslege van Rinschen wegen in ansprake gehath hebben, alzo szalie her Korth van Herserade komptur tho Gollingenn is geweßenn, dath by synen tidenn dosolvesth salige Hans Pekenhorsth unde Bartholomeus Lisekensee mith orlave des manrichters alle dath hoige in Johan Rynschenn schedinghenn by deme Iwandischen weghe bekrucziget hadden, dath salie Enwolth Treiden bure van Joken unde Johan Bocholdz bure van Kurmalen in Rynschen schedinghen gemegeth haddenn, dath do Treiden syn buren unde Johan Bocholtcz bure van Kurmalen de cruce mith gewolth affworpenn unde dath hoge in eer dorper fordenn. Ok so hefft de vorgedachte Hans Eelerth unde de vorbenomeden achte buren hoch by erer zelenn zalicheit getuget, do zalie Johan Rynsche tom ander male darsolvesth dat hoighe bekruciget hadde mith rechte, dat do de vorgedachte Enwolth Treiden bure unde Johan Bocholtcz bure ok de cruce affworpenn van den kugen unde dath hoy wreveliken mith gewolth in eer dorper forden. Vordermeer zo hebben de vorgedachten beiden Dutsch[e]nn unde de achte bure hoch gethugeth, dath up zalie Johan Rynsche lande to Korben an deme Iwandesch[e]n weghe en gesinde gewanth heffth, de genometh is Pawell, dar denne Johan Rynsche veerteien daghe na syner blischap Hans Elerde gesant hadde unde leth beseen nah den crucen, de do nach up den kugen stunden, unde darnah Johan Rynsche in karth darnah in Got vorstorfen is. Do hebben Treiden bur unde Bocholtcz buren dath hoige mith gewolt wechgevorth. Do is de vorgedachte Pawel, Rynsche bur, tho Gollingen gekamen to szelige her Arnth Strik, de do thor tith huskomptur tho Gollingenn was, unde heft geleide van em gebeden, dath he mochte under em theen, to wanende up syns orden lanth to Velsen, wente syn queick mosthe em hungers halven sterven. Do sande her Arnth Strick veer syner bur up Rinschen lanth unde leith de hoigeslege beseen, effte dat hoighe nach dar were. Szo funden de veer mansz, dat dath hoige was wech en vorth unde dath de cruce by der kughestede by dale legen, dath den Treiden unde Bocholten lude entforet haddenn. Unnde her Arnth Strik dath gesynde up syns orden lanth tho Velsen theen leth unnde mith synen buren unde perdenn alle den roggen, dat dath gesinde up Rynschen lande in hupen stan hadde, dath halp he deme gesinde mith synen buren van Rynschen lande tho Boitkallen vo^erenn unde darnah datsolfte gesinde salien Johan Rynschen nahgelaten hußvrowenn wedder uthanthwerdenn. Hir mede over unnde an syn gewesen, do disse tuchnisse is geschen, myns orden broder her Rotcher van Sswansbel, coventschencke tho Gollingen, unde her Vrederik Rauen, broder des ordens, unde Andres No^eweborger, tollik to Gollingen, unde her Hermen Trappe, borgermester to Gollingen, unde Melcher Kolman, Heyne Deymer Deymes korrigiert A, Deymersz B, raithmanne der stath Gollingen. Des tor orthkunde unde tuchnisse der warheit, dath dith also gethugeth is, szo hebbe ik bavengenanth huskomptur myns ampts ingesegel under an dissen breff gehangen, de gegeven unde geschreven is tho Gollingen im jartal unsers Hern, do man schreff dusentverhunderth unde im achtunndenegentichsten jar am daghe Thome apostoli.(?)