Kurland Property Records

Document text

back to search

Bauer302

Dietrich von Altenbockum, Komtur von Goldingen, überläßt dem Johann Lunink und seinen Erben einen Jungen namens Matys, geboren in Mattkuln im Gebiet Zabeln und Sohn des Hermann Tulnyt. Ferner bestätigt er, daß Gerhard von Mallinckrodt, alter Komtur von Riga, dem Johann Luning einen alten Mann namens Merten und seine zwei Söhne Arneke und Thonies, geboren in Lehden im Gebiet Kandau, überlassen hat. Zabeln, 1487
Besitzabtretung Text nach A. Bauers Abschrift von der Ausfertigung (A).
Überlieferung:
aus A: Ausf.
Material: Pap.
Hide variants and comments | Show variants | Show comments | Show variants and comments |
Wy broder Dyrick van Olden Bocum, kumptor tho Goldyngen Dutsches ordens, bekennen unnd betugen myt dussem unsem openbaren breve vor allerweme, de en seen ofte horen lezen, geistlick ofte wertlik, dat wy Johan Lunynge unde szynen erfen gegeven hebben eynen jungen, genant Matys, de geboren ysz to Matkul ymme gebede van Sabel, unnd szyn vader genomet ysz Hermen Tulnyt, unnd de vorgedachte junge denet by Merten van Koggelen up Johan Adelynges lande, unnd Johan Lunynck unsz den vorgedachten jungen wol vornoget hevet unnd Johan Lunynck unsz densthaftich unde wol tho willen ysz gewesen yn deme landtschriver ampte unde tho vorsendende, wor wy szyner behof hadden. Unnd bydden fruntliken al unsen nakomeliken, ene unde szyne kynder by den ergedachthen jungen tho beholden blyven laten tho erholden und blyven tho laten. Unnd dartho szo bekenne wy ock, wo dat her Gert van Mallynckrade, olde kumpter van Ryge, Johan Lunynge in unser jegenwerdicheit gegeven hevet eynen olden man, geheten Merthen, myt twen szonnes, de ene heth Arneke, de ander Thonies, unde geboren szynth ymme gebede van Candow tho Leden. Des thor orkunde unnd tuchnisse der warheyt szo hebbe wy bovengenant kumptor unses amptes yngesegel unden upth spacium dusses breves gedrucket, de gegeven unde geschreven isz tho Sabel yn den jaren na Cristi gebort dusentverhundert unnd darna im seven achte.undeachtentichsten jare.
comment
pressureDer Text basiert auf A. Bauers Abschrift von A.