Kurland Property Records

Document text

back to search

Bauer299

OM. Johann Freitag von Loringhoven belehnt Heinrich Kregenvenger und seine Erben mit einem Hof und 2 Haken Landes vor dem Schloß Durben, dem Dorf Aistern in der Burgsuchung und dem Kirchspiel Durben sowie mit Land und Heuschlägen, genannt Perkon, im Amt und Kirchspiel Grobin, welche Güter zuvor alle Hans Funcke besaß, jedoch Perkon vorbehaltlich des Rückkaufsrechtes durch den Vogt oder Verweser des Amtes Grobin, zu Lehngutsrecht. Wenden, 1486 März 19
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 136; GStAPK, VIII. HA B 24: Sammlung Stavenhagen Urk. Nr. 150
Hide variants and comments | Show variants | Show comments | Show variants and comments |
Wie broder Johan Fridach vam Loringhaue, meister tho Liefflande Dutsschs ordens, bekennen unnde betugen apenbar mith dissem unßem apenen breve, dat wie mith rade unnde vulborth unsir erßamen medegebediger Hinrick Kregenvenger unnde allen synen rechten waren erven gegeven unnde vorleneth hebben, geven unnde vorlenen in krafft disses breves den hoff unnde hoffstede mith syner tobehoringe unnde tween haken landes, in der borchsokinge unnde kerspell tom Turben vor dem slothe belegen, alße den bethher Hans Funcke besethen, gehatt unnde gebruketh hefft
dartho noch eyn dorpp, Aystern genomet, in dersulvigen borchsokinge unnde kerspell gelegen, alße dat de gedachte Hans Funcke van Hans Torken gekofft unnde bethher mith syner tobehoringe besethen unnde gebruket hefft
unnde hir noch to somlick landt unnde hoyslege, Perkon genompt, im ampte unnde kerspell to Grobbien belegen, alße dat de mergenomede Hans Funcke gehatt, besethen unnde gebruketh hefft na uthwisinge syner leenbreve, bie sodanem bescheyde, offte eyn vageth edder vorweßer des amptes to Grobbien tor tydt weßende sodan landt unnde hoyslege, Perkon genompt, wedder sick hebben unnde loßen wolde, sall he Hinrick Kregenvenger edder synen rechten waren erven uthrichten somlick gelth na uthwisinge unnde inholde der olden leenbreve, dem vakengedachten Hans Funcken darover gegeven
sodan hoff, havestede, darpp, landt unnde hoyslege mith allerleye tobehoringe, nuth unnde beqwemicheyt, wo de genometh sien edder genometh mogen werden, alße an ackern geradeth unnde ungeradeth, hoyslegen, weyden, vedrifften, holthtingen, busschen, wolden, birßen, watern, beken, seen, sypen, honnichbomen, honnichweyden, visscheryen, vogelien etc., unnde wor Hinrick Kregenvenger unnde alle syne rechten waren erven vorgemelth mogen recht tho hebben, nichtisnicht buthen bescheyden, vorthan to hebbende, to besittende, tho gebrukende unnde to beholdende vry unnde fredesamichliken na leengudes rechte to ewigen tyden. Des tor tuchnisse der warheyt hebben wie unße ingesegill unden an dussen breff lathen hangen, de gegeven iß tho Wenden am Palmdage in den jaren na Cristi geborth dusenthveerhunderth unnde im seßunndetachtigisten jare.