Kurland Property Records

Document text

back to search

Bauer288

OM. Bernd von der Borch belehnt Cordt Nolde und seine Erben mit einem Stück Landes im Amt Windau in beschriebenen Grenzen. Karkus, 1480 Juni 28
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 127; GStAPK, VIII. HA B 24: Sammlung Stavenhagen Urk. Nr. 141
Hide variants and comments | Show variants | Show comments | Show variants and comments |
Wie broder Berndt van der Borch, meister tho Lifflandt Dwtsches ordens, bekennen undt betugen apenbar myt dusßem breve, dat wie myt rade unnd vulborth unßer erßamen medegebediger Cordt Nollen unnd synen rechten waren erven gegeven unnd vorleneth hebben, geven unnd vorlenen myt craft dusßes breves eyn stucke landes, tuschen sunte Jurgen undt sunte Katherinen cappellen und des kompturs copell unndt der stadt Windaa swinecoppell beth an Bertolt Jungen landt gelegen im ampte tor Winda
myt ßodanem beschede, dat Cordt Nolle den thuen van des kompturs coppell porthen an tuschen der coppellen unnd deme vorgerorden acker beth an Bertolth Jungen landt in enem guden thuene sall stande holden. ßodane vorbenometh lanndt unnd acker vorlene wie dem gedachten Cordt Nolle unnd sinen rechten waren erven, kindeskinde to ervende, to ewigen tiden vrig unnd fredeßamliken to besittende unnd to brukende. Des tor orkunde hebben wie unße ingesegell unden an dusßen breff lathen hangen, de gegeven is to Carckhwß am avende der hilligen apostole Petri unnd Pauli na der geborth Cristi dußentverhunderth im tachtichsten jare.