Kurland Property Records

Document text

back to search

Bauer274

OM. Bernd von der Borch belehnt Hermann Vacke und seine Erben mit einem Stück Landes im Amt und Kirchspiel Doblen in beschriebenen Grenzen zu Lehngutsrecht. Riga, 1476 Juli 15
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 118; GStAPK, VIII. HA B 24: Sammlung Stavenhagen Urk. Nr. 134
Hide variants and comments | Show variants | Show comments | Show variants and comments |
Wie broder Bernth van der Borch, meister to Liefflande Dwtschs ordens, bekennen unnde betugen apenbar mit dussem apenen breve, dat wie mit rade unnde volbordt unß[e]r erßamen medegebediger Herman Vacken unde alle synen rechten waren erven gegeven unnde vorlenet hebben unnde mit craffte duss[e]s breves geven unde vorlenen eyn stucke landes, szo als dat ym ampte unde kerspell to Dobbelen unde in dusser nageschreven scheidinge is belegen: inth erste antogande an eyner beke, geheten de Sargestrate, dar de velleth yn de Terwettenssche beke
der Sargestrate upp to volgende beth an de Lettawssche grencze, de Mardatzeke gegan hefft
der grencze to folgende beth wedder yn de Terwettenssche beke
der Terwethtensschen beke vorth dall to volgende beth yn de vorgerorde Sargestrate munde, dar de scheydinge angehaven is
mit allerley tobehoringe, nuth unnde beqwemicheit, wo de genomet syn edder genomet mogen werden, als an ackern geradet unde ungeradet, hoyslagen, weßen, weyden, vedrifften, holtingen, busschen, wolden, watern, beken, seen, sypen, honichbomenn, honichweiden, visscherien, vogelien etc., unnde wor Herman Vacke vorg(e)n(ome)t unnd alle syne rechten waren erven mogen recht to hebben, nichtißnicht buten bescheiden, vortan to hebbende, to besittende, to gebrukende unnde to beholdende vry unnde vredesamichlicken na leengudes rechte to ewigen tidenn. Des tor orkunde unde tor tuchnisße der warheit so hebben wie unße ingesegell unden an dussen breff laten hangen, de gegeven is to Rige am dage divisionis apostolorum in den yaren na Cristi geborth dusentveerhundert unde darna ym sesunndeseventigisten jare.