Kurland Property Records

Document text

back to search

Bauer271

OM. Bernd von der Borch belehnt Heyne von der Hove und seine Erben mit einem Stück Landes im Gebiet Mitau in beschriebenen Grenzen zu Lehngutsrecht. Riga, 1475 Febr. 28
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 115; GStAPK, VIII. HA B 24: Sammlung Stavenhagen Urk. Nr. 132
Hide variants and comments | Show variants | Show comments | Show variants and comments |
Wi broder Bernth van der Borch, meister to Lifflant Dutsches ordens, bekennen unde betugen apenbair mit dusseme apenen breve, dat wie mit rade unde vulbort unsir ersamen medegebediger Heyne van der Houe unde alle synen rechten waren erven gegeven unde vorleent hebben unde mit crafft duss[i]s breves geven unde vorlenen eyn stucke landes, so alß dat ym gebede tor Mitow unde yn dussir nageschrevenen schedinge is belegen: inth erste antohevende uppe der Awder uppe der becke, dar steit eyn eickenboem, getekent mit eyme crucze
vorth van deme bome de Awder aff to gaende wenthe an de Awdermu^ende, dar de Awder geyt yn de Virtczow
de Virtczow upp desolvige syed upp to gaende wenth an de nye schedinge, de Stenko Mordas gegan hefft, wenth an eyn eickenboem, mit eyme crucze getekent
vorthan to gande van cruczen to cruczen yn dat middell twisschen der Awder unde der Virtczow wenth an eyn eickenboem, mith eyme crucze getekent
unde datsolvige vorbenomede middell eyn siepp weddir aff to gaende van cruczen to cruczen so lange, wenth men kompt tegen den eickenboem, unde danne vort to gaende uppe den vorbenomeden eickenboem, de uppe der Awder becke steith, dar dusse ergemelde schedinge erst angehaven is
mit allirleie tobehoringe, nuth unde bqwemicheith, wo de genomet sien eddir genomet mogen werden, als an ackern gerodet unde ungerodet, hoyslagen, weßen, weiden, vedrifften, holtingen, busschen, wolden, watern, becken, seen, sypen, honnichbomen, honnichweiden, visscherien, vogelien unde wor Heyne van der Houe unde alle syne rechten warn erve vorgemelt mogen recht to hebben, nichtisnicht buten bescheiden, vortan to hebbende, to besittende, to brukende unde to beholdende fry unde fredesamichlicken na leenguds rechte to ewigen tiden. Des tor orkunde unde tor tuchnisse der warheith hebben wie unße ingesegill anhangen laten dusseme breve, de gegeven is to Rige ame dingißdage na der dominica, so men synget yn der hilligen kercken Oculi, in den jarn na Cristi gebort dusenthveerhundirth unde darna ym viffundesoventigisten.
comment
pressureDas 1475 verliehene Gut, zeitweilig auch Howens-Würzau genannt, blieb bis 1843 im Besitz der Familie von der Howen.