Kurland Property Records

Document text

back to search

Bauer262

OM. Johann Waldhaus von Heerse belehnt Wessell Schetter und seine Erben mit 5 Haken Landes im Gebiet und Kirchspiel Goldingen in Letsche Edeczen und mit einem Stück wüsten Landes in Osolczeme in beschriebenen Grenzen, das 4 Haken haben soll, zu Lehngutsrecht. Kandau, 1470 Okt. 18
Lehnsurkunde
Überlieferung:
aus A: Ausf.
Material: Perg.
Archiv: Marburg, Hess. StaatsA., Sammelstelle für baltendeutsches Kulturgut, Archiv Posen, Brfl. Groß-Iwanden (13 Perg.-Urkunden)
Hide variants and comments | Show variants | Show comments | Show variants and comments |
Wi broder Johan Walthwß van Herße, meyster to Liefflande Dutsches ordens, bekennen unde betugen openbare in dussem openen breve, dat wy myt rade unde vulbort unser ersamen medegebedigere Wessell Schetter unde all sinen rechten waren erven gegeven unde vorlenet hebben unde myt kraft dusses breves geven unde vorlenen vyff haken landes, dar nu tor tid en gesinde up wonet, belegen yme gebede unde kerspel to Goldinghen tho Letsche Edeczen, so datsulvige landt darsulvigest van oldinges here gebruket unde besethen ist
darto en stucke landes to Osol Czeme, in dusser nagescreven schedinge belegen: int erste antogande van deme lande to Edczen vorgerort langes en sypp, geheten Gouewalke
uth deme sype vort to gande langes en kleine beke, geheiten Spuluppe
van dar to gande up en hoghe, dar en kule ys unde en eke unde ok en berke, getekent myt krucen
vort van der kulen unde den getekenden bomen to ga^ende van bomen to bomen, de getekent sint myt krucen, dorch en brock, geheten Eggle purwe, bid an des bisschoppes wech, dar en kule is
van der kulen vort entlanges des bisschoppes wege to volgen an twe bome, ein eke unde en berke, myt krucen getekent
van den twen bomen vort des bisschoppes wege to volgende bid an des bisschoppes schedinge an en syp, darsulvigest en kule is unde en eken unde en berckenbom, getekent myt krucen
van der kulen unde den getekenden bomen to volgende des bisschoppes schedinge entlanges van bomen to bomen, de getekent sint myt krucen, dorch wiltnisse unde broke bid an den Lulmesschen wech, dar ok en kule is unde twe bome, myt krucen getekent, en eke unde en vure
van dar to gande unde deme Lulmesschen wege entlanges to volgende, dar ok welke bome langes den wech myt krucen getekent sint, bid an den wech, de van Kewalen kompt unde geit na Iwanden, darsulvigest up der wege schedinge en kule ys unde en berckenbo^em myt enem kruce
van der kulen vortdan entlanges to volgen deme Lulmesschen wege over den Iwandesschen wech, de dar geit na Eddeczen, bid an en brok, by demesulvigen wege belegen, geheten Parsepurwe, dar ok en kule unde en vurenbom is, getekent myt enem kruce
dusses vorgescreven wosten landes sal sin veer haken, unde wes darenboven Wessel bovengerort buten dusser schedinge belegen affgereden is
myt allerleie tobehoringhe, nut unde beqwemicheit, wo de genomet sin edder genomet mogen werden, als an ackeren gerodet unde ungerodet, hoyslegen, wesen, weyden, vedriften, holtinge, bussche, wolden, wateren, beken, seen, sypen, vleten, stouwinge, honnichbomen, honnichweiden, vysscherien, vogelien unde was Wessel unde alle sinen rechten waren erven vorgerort mogen recht to hebben, nichtesnicht buten bescheiden, vortdan to hebbende, to brukende, to besittende unde to beholdende vry unde vredesameliken na lengudes rechte to ewigen tiden. Des tor orkunde unde tor tuchnisse der warheit so hebben wy unse yngesegel under an dussen breff laten hangen, de gegeven is to Candow in den jaren na Cristi gebort dusentveerhundert unde darna yme seventigesten am dage Luce ewangeliste.(?)