Kurland Property Records

Document text

back to search

Bauer252

OM. Johann von Mengede gen. Osthof belehnt Johann von dem Brincke und seine Erben mit dem Dorf Sillen im Gebiet Windau und im Kirchspiel Landsen zu Lehngutsrecht. Karkus, 1465 Mai 12
Lehnsurkunde Text derzeit nach A. Bauers Abschrift von der Ausfertigung (A).
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 103; GStAPK, VIII. HA B 24: Sammlung Stavenhagen Urk. Nr. 117
Hide variants and comments | Show variants | Show comments | Show variants and comments |
Wie broder Johan van Mengede, anders genanth Osthoff, meister to Lifflant Dutsches ordens, bekennen unde betugen apenbair mit dusseme apenen breve, dat wie mit rade unde volbort unsir erszamen medegebediger Johanne van dem Brincke unde allen sinen rechten waren erven, dussen bewiseren, ghegeven unde vorlenet hebben unde mit crafft dusses breves geven unde vorlenen eyn dorpp, Sillen genanth, so als dat ym gebede tor Windaa unde ym kerspele to Lanszen in sinen marcken unde schedingen belegen unde alsze idt sustlange van eyneme kompthur tor Windaa beseten unde gebruket is, mit allirleie tobehoringe, nuth unde beqwemicheith, wo de genomet sien eddir genomet mogen werden, als an ackern gerodet unde ungerodet hoyslagen, weszen, weiden, vedrifften, holdingen, busschen, wolden, birszen, watern, becken, sipen, honnichbomen, honnichweiden, visscherien, vogelien etc., unde wor Johan van dem Brincke unde alle sine rechten waren erven vorgemelt mogen recht to hebben, nichtisznicht buten bescheiden, vortdan to hebbende, to besittende, to brukende unde to beholdende vry unde vredeszammichlicken na leengudes rechte to ewigen tiden. Des tor orkunde unde tor tuchnissen der warheit so hebben wie unsze ingesegil undene an dussen breeff laten hangen, de gegeven is uppe unszes ordens huwsz to Carckhuwsz in den yarn na Cristi geborth dusentveerhundirth unde darna ym viffundesostigisten ame sondage Cantate.