Kurland Property Records

Document text

back to search

Bauer245

OM. Johann von Mengede gen. Osthof belehnt Hans Funcke und seine Erben mit dem Hof zu Perkun[{\em Perkuhnenhof 4,2 km s Libau}], den zuvor Peter van der Ecke besaß, im Gebiet und Kirchspiel Grobin in beschriebenen Grenzen, ferner mit einer Hofstätte vor dem Ordenshaus zu Grobin und einem Garten, alles zu Lehngutsrecht, jedoch vorbehaltlich dessen, daß der jeweilige Vogt zu Grobin das Lehen jederzeit gegen 250 alte Mark Rigisch zurücknehmen kann. Libau, 1464 Jan. 16
Lehnsurkunde Gedruckt Liv-, Est- und Kurländisches Urkundenbuch Bd. 12 Nr. 244 nach der Ausfertigung.
Hide variants and comments | Show variants | Show comments | Show variants and comments |
Wie broder Johan van Mengede, anders gnanth Osthoff, meister to Lifflandt Dutsches ordens, bekennen unde betugen apenbar mit dusseme apenen breve, dat wie mit rade unde vulbort unsir erszamen medegebediger Hans Funcken unde alle synen rechten waren erven gegheven unde vorlenet hebben unde mit crafft dusses breves geven unde vorlenen den hoff to Perkun, den tovoren Peter van der Ecke hevet beseten, mit sodaneme lande unde landtgude, als dat yme gebede unde kerspele to Grobyn unde yn dussir naberorden schedinghe is belegen: indt erste anthohevende an der Lyvaaschen becke, dar eyn eckenboem is getekent mit eyneme cruce, van deme eykenbome to gande bith an eyne lynde, dar eyne kule is gegraven, van der kulen unde bome recht uth to gaende van crucen to crucen unde van kulen to kulen bith in de Livaasche see, der Livaaschen see to volgende tor vorderen handt bith in de Livaasche becke, de Livaaschen becke daell to gande bith an den eykenbom, dar sick de schedinge ersten begunde
mit twen hoyslagen upp yener side der Livaaschen see, den eynen hoyslach antohevende an der Otankkenbeke munde, dar se in de Livaasche see velt, der see to volgende tor vorderen handt bith an eynen steyn mit eyme cruce getekent, van dem steyne unde cruce recht uth to gaende na dem bussche, dar eyn boem mit eyneme cruce is getekent, van deme bome unde cruce dem bussche to volgende bith in de Otankkessche becke, der beke to volgende bith in de Livaasche see
den anderen hoyslach, geheyten de Maledanghe, anthogande an seligen Nyenkerkes hayslach an der see, van der see recht uth to gande na eyneme groten steyne mit eyneme cruce getekent, de in deme hayslage licht, van deme steyne unde cruce recht to gande na deme bussche, dar eyn boem is getekent mit eyneme cruce, van dem bome dem bussche langes to volgende bith an eynen anderen boem mit eyneme cruce getekent, unde van dem bome recht to gande bith in de Livaasche see, der see to volgende bith an Nyekerkes hoyslach, dar sick de schedinge erst anhaff
darto eyne wortstede vor unszes ordens huwsz to Grobyn mit eyme garden, mit allirleye tobehoringe, nuth unde beqwemicheith, wo de genomt syn eddir genomt mogen werden, unde wor Hans Funcke unde alle syne rechten waren erven vorgemelt mogen recht to hebben, nichtisnicht buten bescheiden, vortdan to hebbende, to besittende, to brukende unde to beholdende vry unde fredesammichlicken na leengudes rechte to ewigen tiden
jodoch also beschedelicken, wanner sick eyn vogedt to Grobyn unses ordens, we de tor tidt siende werdt, mit Hans Funcken, synen erven eddir denyenen, de den hoff unde guder kopen unde to sick krigen mochten, nicht konde vorgan noch vordregen, so mach he den hoff unde guder vorgerorth to sick nemen unde geven derdehalffhundert olde marck Rigisch demyenen, des de hoff unde guder syn, des sall he tovreden syn. Des tor orkunde unde tor tuchnissen der warheith so hebben wie unsze ingesegell undene an dussen breff laten hangen, de gegheven is tor Lyvaa in den yaren na Cristi gebort dusentveerhunderth unde darna yme veerundesostigisten an sunthe Anthonies avende confessoris.
comment
pressureFür einen neueren Textabdruck s. LUB 12 Nr. 244.