Kurland Property Records

Document text

back to search

Bauer235

OM. Johann von Mengede gen. Osthof belehnt Engelbrecht von Vorspell und seine Erben mit einer gekauften Hofstätte im Hakelwerk Hasenpoth und zwei gekauften Äckern im Kirchspiel und beim Schloß Hasenpoth, wie diese Hans Bubbe zuvor besaß, zu Lehngutsrecht. Pernau, 1461 Febr. 9
Lehnsurkunde Text derzeit nach A. Bauers Abschrift von der Ausfertigung (A).
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 89; GStAPK, VIII. HA B 24: Sammlung Stavenhagen Urk. Nr. 101
Hide variants and comments | Show variants | Show comments | Show variants and comments |
Wy broder Johan van Mengede, anders genant Osthoff, meyster to Lyfflande Dutsches ordens, bekennen unde betugen openbaer in dusseme openen breve, dat wy myt raide unde vulbordt unser ersamen medegebediger Engelbrecht van Vorsspell unde alle synen rechten waren erven gegeven unde vorlenet hebben unde myt crafft dusses breves geven unde vorlenen synen redeliken walgekofften koep eyner wortstede im hakelwercke thom Azinpothe unde twyer acker landes, so als de im gebede to Goldingen im kerspele unde by deme slothe Azinpothe, nameliken de eyne by deme Alszwangesschen unde de ander by den Durbesschen wegen in sodanen schedingen, als se Hans Bubbe sustlande unde syn alderen thovoren hebben beseten, syn belegen, myt allerleye tobehoringe, nutte unde beqwemicheit, wo de benomet syn eder benomet mogen werden, unde war Engelbrecht van Vorsspell unde alle syne rechten waren erven mogen recht to hebben, nichtesnicht buten bescheyden, vort to hebbende, to besittende, to brukende unde to beholdende fry unde fredesamichliken na leengudes rechte to ewigen tyden. Des thor orkonde unde thor tuchnisse der warheyt so hebben wy unse ingesegell undene an dussen breff laten hangen, de gegeven ys uppe unses ordens husze thor Pernow in den jaren na Cristi gebordt dusentveerhundert darna im eynundesestigesten am achten dage negest na purificationis gloriosissime virginis Marie.