Kurland Property Records

Document text

back to search

Bauer216

Gottschalk und Syvert Schutte, Söhne des Frowin Schutte, beurkunden, daß sie dem Wilhelm Jacke und seinen Erben genannte Ländereien in den Burgsuchungen Amboten und Neuhausen, darunter die Dörfer Blendinen, Moditen, Katzdangen und Ullyalen, für 900 alte Mark Rigisch verkauft haben. Dorpat, 1452 Mai 25
Verkaufsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 72
Hide variants and comments | Show variants | Show comments | Show variants and comments |
Vor allen guden luden, de dessen openen breff zeen edder horen lesen, bekennen unde betugen wy Gosschalk Schutte, domher to Ozele und to Darpte, und Syuert Schutte, borger to Darpte, Vrouwyn Schutten kindere, dat wy myt wolberadenem mode vor uns unde unse rechten erven recht und reddeliken vorkofft hebben deme ersamen manne Wyllem Jacken [!]% Die Namensform Jacke statt Sacken erscheint auch in Bauer 223 u. Bauer 315. unde sinen rechten erven eyn stucke landes in der borchsokinghe Amboten, belegen by der Nedinges see, myt alle siner tobehoringhe, also dat udgedrucket is in der schedinghe in den olden breven
und dat dorp, land unde gud Blendinen, dat an sik hevet veer haken landes
unde dat dorp Moditen, dat an sik hevet vyfftehalve haken landes in der borchsokinghe des slotes tom Nyenhuse, myt der stede Syuekens Synekens zu lesen huse unde mit tween ackeren vor dem Nyenhuse unde myt eynem hoyslaghe von so^es kuyen hoyes to Schalden, belegen tusschen Etynen unde Gyselers lande, also dit vorgescreven land, acker, hoyslach, hu^es unde hu^esstede, dorper unde lude Syueke Syneke zu lesen van dem Nyenhuse allervryest gebruket und beseten hevet
und dat dorp unde land Katstaggen unde Vllyalen, dat an sik hevet teyn haken landes, dat belegen is in der borchsokinghe tom Nyenhuse, myt tween ackeren vor dem Nyenhuse, also dat Gyseler unde Wygand allervryest gebruket unde beseten hevet hebben
unde twee haken landes vor Oldenborch, den eynen haken Merten unde den anderen haken Swartekock beseten hevet, myt aller tobehoringhe, ok belegen in der borchsukinghe tom Nyenhuse, vor 900 olde mark Rig(isch), de he uns wol vornoget unde betalet hevet, welkes pagimentes veer mark soven loet reynes lodigen sulvers an sik hebben und holden scholen. Unde hiirume so hebbe wy unsem gnedigen heren, heren Johannes, bisschoppe to Curlande, gescreven unde gebeden unde updragen vormyddelst krafft unses breves de vorbenomeden guder vor uns unde unse erven und gentzliken vortyen und vorlaten vormyddelst krafft unde macht desses breves alles egendomes unde aller ansprake, de wy edder yemande anders bette herto to den vorgescreven guderen jenigerleye wiis mogen gehat hebben van unser wegen. Ok hebben wy den vorbenomeden Wyllem Jacken in de vorgescreven gudere gewiset unde geweldiget, desulven gudere mit landen, luden, tynsen, tegeden unde der lude schult, beyde, olde und nye, gekervet unde ungekervet, myt vryheyden, rechticheiden, rechte, richte, nut unde egenheiden unde allen anderen olden tobehoringen, besatingen, brukingen, dat sy marke, schedinghe, acker, wyssche, weyde, hoyslaghe, holtinghe edder welkerhande unde wodanich dat sy, to watere edder to lande, benomet unde umbenomet, dat meyste myt dem meysten dat mynste myt dem meysten, nichtesnicht udgenomen edder buten bescheden, vor synen rechten gekofften unde wol bemelden koep erffliken unde egentliken to besittende unde to brukende, vry unde quyd und sunder alle ansprake, kyndeskinde to ervende, in aller wise, alse wy unde unse olderen de bette herto allervryest beseten unde gebruket hebben na inholde der olden breve. Vortmer so loven wy unde willen waren, desse vorgescreven vorkofften gudere tosamende unde besunderen vurder gentzliken vry, qwyt, unvorsat, unvorwisset, unvorpandet, unvorkofft unde sunder ansprake to synde und to blivende in tokomenden tiiden by eren, by truwen unde guden geloven, sunder alle arghelyst
unde hebben desses to eyner rechten bekantnisse unse ingesegele vor uns unde unse erven hiiran laten hanghen. To merer vorwaringhe hebbe ik Soryes up dem Berghe, man der kerken to Darpte, myn ingesegel ume erer bede willen mede tor tuchnisse laten hanghen an dessen breff, de gescreven is to Darpte in den jaren na Godes gebord dusentveerhundert darna in deme tweeundevyfftigesten jare des negesten donnerdages vor pinxsten.
comment
pressureGottschalk und Syvert Schutte, die Söhne des Stiftsvogts Frowin Schutte, verkauften Wilhelm Jacke den Großteil des väterlichen Erbes, das Frowin Schutte per Lehnbrief von 1424 Jan. 25 (Bauer 168) erhalten hatte. 1456 Juni 18 erfolgte die Belehnung Wilhelm Jackes mit den gekauften Ländereien durch den kurländischen Bischof Johannes (Bauer 223).