Kurland Property Records

Document text

back to search

Bauer208

OM. Heidenreich Vincke von Overberg belehnt Hans Brasche und seine Erben mit 2 Haken Landes bei dem Dorf Dezedien im Gericht Windau und den dazugehörigen Hofstätten, wie Jakob von Ragen diese zuvor besaß, zu Lehngutsrecht. Riga, 1443 Aug. 3
Lehnsurkunde Text nach A. Bauers Abschrift von der Ausfertigung (A).
Überlieferung:
aus A: Ausf.
Material: Perg.
Hide variants and comments | Show variants | Show comments | Show variants and comments |
Wie bruder Heidenrick Vincke von Overberch, meister Dutsches ordens to Liefflande, bekennen und betugen openbar in dussem openen breve, dat wie mit rade und volbort unser ersamen medegebediger Hans Braschen und alle sienen rechten waren erven to leengude gegeven und vorlenet hebben und mit craft dusses breves geven und vorlenen twee haken landes, belegen bie dem dorppe to Dezedien Zedijen (Bauer 212). im richte tor Windaa, mit allerley tobehoringe, nuth und beqwemicheit, wo de genomet sien efte mogen genomet werden, als an ackeren gerodet und ungerodet, hoyslagen, wesen, weiden, vedriften, holtingen, welden, bu^esschen, broken, stouwingen, wateren, sipen, beken, honichbomen, honichweiden, visscherien, vogelien etc., und wor Hans Brasche und all syne rechten waren erven mogen recht to hebben, nichtisnicht buten bescheiden und in aller maten, alse de twee vorbenomeden haken landes von oldinges heer allerfriest und tovoren mitsampt den hovesteden to den tween haken landes horende von Jacob von Ragen gehatt, bruket, beseten und in eren schedingen belegen sient, vort to hebbende, besittende, brukende und to beholdende frei und fredesamelicken nach leengu^edes rechte to ewigen tiden. Des tor orkunde und tor tuchnisse der warheid so hebben wie unse ingesegell unden an dussen breeff lathen hangen, de gegeven is to Rige am dage invencionis Steffani in den joren nach Cristi gebortt dusendveerhundert und darna im dreeundveertigesten jore.
comment
pressureTextgrundlage ist A. Bauers Abschrift von A.