Kurland Property Records

Document text

back to search

Bauer160

Dietrich von Limburg, Vogt von Kandau, beurkundet, daß Hermann Krukenberg sein Lehngut mit aller fahrenden Habe Dietrich von Talsen aufgelassen hat, und dieser im Gegenzug Hermanns Tochter Vromoyt heiraten, Hermanns Hausfrau Adelheid auf Lebzeiten versorgen und Hermanns jüngste Tochter Gertrud mit 40 Mark Rigisch ausstatten soll. [Kandau], 1418 Febr. 27
Besitzabtretung; Ehevereinbarung
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 46; GStAPK, VIII. HA B 24: Sammlung Stavenhagen Urk. Nr. 55
Hide variants and comments | Show variants | Show comments | Show variants and comments |
Wy bruder Diderik van Lymborgh, in der tyd voged tho Candouwe, don witlik alle dengenen, de dussen openen breff seyn edder horen lesen, dat vor uns synd gewesen Hermannus Krukenbergh und Diderik, ok van Talsen, und synd vor uns overdregen und eyns gewurden, also dat de vorben(ante) Hermannus Diderike syn lengut mit alle syner varender have upgelaten und gedregen hefft, als he dat besittet und besetten hefft went to dusser tyt, mit syner dochter, Vro^emoyt geheiten, se to nemende und to behalden vur eyn elik wyff
in sodanen bescheide, dat Diderik vorben(ant) des vorben(anten) Hermannus husvrowen Alheide bi sik behalden sall in dem hus und gude vor eyne moder, dewile se levet, also vullenkomeliken to raden, als se vor y gedan hefft
dartho sal Diderik vorben(ant) Hermannus jungesten dochter Gerdrude beraden mit vertich marc Rig(esch) und mit vuller kledinge und halver koste na gewonliker mogelicheit dusses landes. Wert sake, dat hir entwisschen de vorben(ante) juncvrowe Vromoyt afflivich wurde, so sal Diderik vurben(ant) sik halden an de jungeste dochter Gerdrude, dat erve unde gut also to bruken, als hir vorgescreven is. Dys tor tuchnisse der warheit hebbe wy bruder Diderik van Lymborgh umme bede willen der vorbenanten Hermannus und Diderikes und unser medewitschap unses ampts ingesegel an dussen breff laten hanghen in den jaren unses Heren M+oCCCC+o darna ym XVIII yar am sundage, als men synget Oculi.