Kurland Property Records
Document text
back to search
Bauer124
|
OM. Robin von Eltz belehnt Jakob und Heinrich, die Söhne des Hermann Kure, und ihre Erben mit 5 Haken Landes in beschriebenen Grenzen und 2 Heuschlägen, von denen der eine an der Abau, der andere am Weg nach Puhren liegt, zu Lehngutsrecht.
[Talsen](?),
1387 Okt. 16
Lehnsurkunde
Text nach A. Bauers Abschrift (nach W. von der Osten-Sacken) von deutscher Übersetzung des 16. Jahrhunderts (B).
Überlieferung:
aus B:
dt. Übers., 1. Hälfte 16. Jh
Material:
Pap.
|
| Hide variants and comments | Show variants | Show comments | Show variants and comments | |
| Allen dengenen, de dusse schrifte sen odder horen lesen, bekenne wi broder Robyn van Eltesen, meister tho Liflande Dussches ordens, dat wi met willen unde vulborde unser ersamen medegebedigeren tho lenrechte vorlenet unde vorgeven hebben Jacobo unde Hinrico, Hertmanni Hermanni Kuren sinen kinderen, unde eren rechten erven, bewiser disser schriften, vyff haken landes in disser nagescreven schedinghe belegen: int erste anthohevende van eynem revere, genomet Szwilgenten becke, dar denne is eyne kule van der kulen datsulvige revere dal tho gande bet tho eyner anderen kulen darsulvest [o]ver datsulvige revere tho gande bet tho eyner kulen van dar tho gande tho eynem wege, de dar geit tho dem dorpe Puren, dar denne is eyne kule densulvigen wech tho folgende van kulen tho kulen bet tho deme vorgenanten revere Swilgenten becke, dar das denne is eyne kule over datsulvige revere tho gande, dar denne ock is eyne kule, unde so vort tho gande van kulen tho kulen bet tho eynem gebrokede, dar denne is eyne kule datsulvige gebrokede to volgende bet to eynem revere, genomet Summerbecke, dar denne is eyne kule vort to folgende up to gande datsulvige revere van kulen to kulen bet to eynem stene, mit eynem cruce getekent darvan to gande van kulen to kulen bet to dem revere Swilgenten becke, dar sick de erste kule anhoff mit aller nutsamkeit unde beqwemicheit, wo de genamet muchten werden, an ackeren geradet odder ungeradet, an busschen, wolden, howslegen, fisscherien, vagelien, honnichweyden etc. unde eynen howslach, belegen by dem revere Abaw, ummeher geleydet van der Kurschen syden dessulvigen reveres, mit dren kulen getekent van eyner siden unde noch eynen anderen howslach, belegen by dem wege, de dar geit na Puren, al ummeher met kulen getekent, ewichlyken vri unde fredesam na lengudes rechte to besittende. Des to merer tuchnisse unde der warheit hebbe wy unse ingesegel unden an dussen breff witlyken laten hangen, de gegeven is in dem jar unses Heren dusentdrehundert unde in deme 87sten jare an dem dage Galli confessoris.(?) |
| comment | |
|---|---|
| pressure | Der Text folgt A. Bauers Abschrift, diese wiederum W. von der Osten-Sackens Abschrift von B. |