Kurland Property Records

Document text

back to search

Bauer118

OM. Robin von Eltz belehnt Jürgen von dem Nyenhuse und seine Erben mit 4 Stücken Landes in beschriebenen Grenzen, die an der Windau, bei Surenpe, bei Goldingen und bei dem großen Surenpe gelegen sind, sowie mit einem Heuschlag in Spahren. Riga, 1386 Mai 3
Lehnsurkunde Text derzeit nach A. Bauers Abschrift von Kopie des 16. Jahrhunderts (B).
Überlieferung:
aus B: Kop., 16. Jh
Material: Pap.
Archiv: Riga, Hist. StaatsA., Best. 6999, Fb. 31: Brfl. Stenden, Akte 1197
Hide variants and comments | Show variants | Show comments | Show variants and comments |
Alle, de dussen bref werden sende offte horen lesen, dath wunsche ick broder Robyn van Eltz, meyster des Dudschens ordins ihn Lyflanth, ewigen heill ihn Godt den heren. Ihn dussen yegenwerdigen schriften betugen wy apenbar, dath wy myth vulbarth unnde rath myner rathbroder hebben gegeven in lenguth dem erbarnn Jurgen van dem Nyenhuse Nyenhusze unnd synen waren erven myt bewysynge dusser jegenwerdigen schrift dat lanth, entholden edder belegen ihn der lanthschedynge, alse hir unnder beschreven steith: int erst anthohevende van dem dorpe, vort tho gande beth tho deme wege Cyrwekalken, unnd van dar vorth tho gande beth tho deme sype [Tuchte]% bei A. Bauer hier Lücke für den Namen gelassen, derzeit ergänzt nach Erg. 610 genomet, unnd vort van deme sype tho gande beth tho deme sype Cyrvewalke, unnd so vorthmer tho kamende beth tho dem vlete Wynda genomet, item so vortmer tho gande van Karylande lauke beth tho dem vlete Abow, datsulveste vlet van beyden syden daell tho stygende, uthgenamen de honnychbome des kumpters van Goldyngen
overst de bome van der luchtern sydenn des weges, welek syn honnychbome, de scollen thokamen Jurgen wente thom vlete genomet de Wynda
item eyn stucke landes, belegen by Surenpe, van dar [tho] gande van eynem dannenbome, by welkem licht eyn steyn, myth eynem cruze getekent, beth to eynem anderen dannenbome unnd van kulen tho kulen tho kamende
vortmer noch eyn ander stuke landes, anthohevende van der borger holte tho Goldyngen, vort [tho] gande beth tho deme have, der schonen Jurgens richoff genomet, dar is eyn steyn gelecht
vortmer noch eyn stuke holtynges by dem grothen Surenpe, van steynen to steynen manck twen wegen beth tho des kumpters haghen (:ofte holtynghe:) vorth tho gande
item eynen hoyslach in Sparnen twyschen tween sypen, alse dath marcklyken underscheiden is myth cruzen
myth aller nutticheit unnde profyt, myth acker geploget ofte ungeploget, velde, vyske efte weyde vorlene wy fryge ewich tho besittende. Dusses dynges ihn eyn tuchnysse is unnse seggell hir unnder angehangen. Gegeven tho Rige int jar des Herren dusentdrehundertunndesossenachtich in dem daghe der vyndynge des hilligen cruczes.(?)