Kurland Property Records

Document text

back to search

erg1202

Der Hauptmann von Mitau an LM. Jasper von Munster in der Sache des Bartold vom Grunde, der sich wegen litauischer Übergriffe auf seinen Besitz und Abbrennung eines Gesindes beklagt hat. Bittet um Bescheid, wie in der Angelegenheit zu verfahren sei. Mitau, [15]54 Jan. 17
anderes Schriftstück
Überlieferung:
aus A: Ausf.
Material: Pap.
Archiv: Stockholm RA, Livonica I vol. 27
Hide variants and comments | Show variants | Show comments | Show variants and comments |
Mine plichtwillige gehorsame mit myns hogesten vormogens irbedunge I. h. e. stetz bevorn. Erwerdige, hoichachtbar unnd erntveste gebedender here unnd overste, ick kann I. h. e. gehorsamlicker meinunge nicht vorbergen, wue dat my Bartoldt vam Grunde schriftlich tho erkenne gegeven, dat ehme dise nachbenompten Lettouwers, Schluysße, Grygall, Sulße, Januße und Januske Petterus geheten, mit ehrer geselschaft over sine grentze getastet nha vormoge sines lehenbreves unnd geweldiglich ein gesinde afgebrant, und sick derhalven seher beclaget, dat ohme solchs unlydtlich, unnd wat he dartho doen sulle ader moge. Wurup ick ehme wedder boscheiden und afgelacht, dewile de sacken so grof, dat de mit fuer und brennende angestastet ader gescheen, dat ick dar nicht wuste tho tho doinde, sondern solchs ahn I. h. e. gelangen lathen muste und wes my van der bojegende, my darnha tho richten hebben muchte, und dat he ock sick darmit solange liden wolde. Unnd wolde derwegen I. h. e. ock gehorsamlicken gebeden hebben umb ein boscheitt upt forderlickeste wedderumb thothoschriven, wue men darmit wedderfharenn sall adir mach, up dat de gude man weten muchte, wue he darahnne weer ader nicht. Dan my dunckett, jo men sick mher lidt, jo se idt grover maken. Unnd will I. h. e. hirmit dem hogesten schutz Gades in geluckseligem regimente lange frisch unnd gesunt tho erholden unnd tho regeren bovelen doen. Datum thor Mithowe den 17. Januarii anno etc. LIIII sten. Hovetman thor Mithowe D.O.(?)