Kurland Property Records

Document text

back to search

erg1004

Heinrich von Galen, Komtur von Goldingen, beurkundet, mit Martin Brincke wegen Streitigkeiten zwischen dessen Bauern und seinen eigenen zwei Gesinde mit jeweils 2 Haken Landes dergestalt ausgetauscht zu haben, daß ein Gesinde namens Hans Lacken an das Gebiet Goldingen und ein Gesinde namens Hans Bock an Martin Brincke fällt. Goldingen, 1497 Dez. 21
Tauschurkunde
Überlieferung:
aus A: Ausf.
Material: Pap.
Archiv: Stockholm RA, Livonica I vol. 26
Hide variants and comments | Show variants | Show comments | Show variants and comments |
Wie broder Hinrick van Galenn, comppthor tho Goldingen Dutsßches ordens, bekennen unndt betugen in unndt mydt krafft dusßer twyer utgeßnedden sceddelen, dat wy mydt willen unndt tolatinge unßes erwerdigenn meisters umme mennyges vordretes, kyves unndt unwillen, tusßchen Mertyn Bryncken sinen geburen unndt den unßen mennyghe lange tydt heer gestaen hevet, hebbenth angeßeen unndt tho herten genomen unndt derhalven mydt Mertyn Bryncken hebben ene buthe gedaen, als nemelicken dat wy van em een gesynde mydt twen haken landes tho Loecken Laecken zu lesen., genomet Hans Lacken, mydt all dem[j]ennen, so dat nu in sick is, gekregen unndt angenomen hebbenn tho ewigen tyden by dat gebede tho Golldingen tho blyvenn. Vor welke twe haken landes unndt gesynde hebben wy dem gedachtenn Mertyn Bryncken unndt allen sinen waren rechten erven wedder thogebuthet unndt gegevenn dat geßynde tho Bockemnode []%Bockenmode, Lesung im hinteren Wortteil unklar mydt twen haken landes, geheten Hans Bock, als de nu ock in sick belegen sien, mydt aller nuth unndt beqwemicheit to beholden unndt to besitten ffry unndt vredesamelicken sunder jenigerley hinder, wedderstalt edder anspracke van unßemunsem orden unndt van allen unsen nakomelingen. Darumme tho scheen, dusses thor tuchnisse unndt bovestinge der waerheit sint dusser szeddelen twe de ene uth der anderen geßneddenn, de ene hebbende Mertyn Bryncke uppgemelth, darunder wy unses amppthes ingesegell wytlicken hebben lathen drucken, de ander wy in weren hebben, darunder Mertyn Bryncke imgelicken wedder sin angeboren seg[ell]% Loch im Papier hefft don drucken. Gegeven in den jaren na Cristi geborth dusentveerhundert darna im sevenundtnegentygesten jare am dage sunthe Thomas des hilligen appostels. Datum tho Golldingen.(?)