Kurland Property Records

Document text

back to search

erg0863

Heinrich von Galen, Landmarschall von Livland, beurkundet einen Austausch von Bauern zwischen ihm selbst und Wessel von der Rope. Ascheraden, 1540 Febr. 10
Tauschurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 319; GStAPK, VIII. HA B 24: Sammlung Stavenhagen Urk. Nr. 347
Hide variants and comments | Show variants | Show comments | Show variants and comments |
Wie Hinrick vann Galenn, Dutzschs ordenns lanndthmarschalck tho Lifflanndhe, donn kundth, bekennen unnd betugenn in und overmitz dissem unserm apenen verseggeldenn breve vor uns und alle unse nhakomelinge, dat wie mit deme erbarnn und erntvestenn We[sse]ll vann der Rope eine stede vaste uthbuthe etzwelker burnn unwidderroplick ingegan und gedan hebbenn, also dat gedachter Wessell uns unnd allenn unsenn [nha]ko[melin]genn einer siner erffburnn, we[lc]k ein smidt is unnd in unsenn gebede thur Mitow inn der beridinge thom Berchfredde wonhaftich, [mi]ttzampt sineme wive und kindernn erfflick unnd ewiclich overgelatenn heft. D[ae]r entgegenn hebbenn w[ie] eme und alle sinen erven widderumb gegevenn disse nhabeschrevene burnn Jane Douxstenn, Tomas Do[uxst]enn unnd Hinrick Douxstenn, itzundt by Sazenn vor ein M[....]ch[..] wonnendhe, alle dre uth dem gebede [tho A]sscheradhe und der beridinge thur Soukenn gebarenn, mittzampth erenn wivenn und kindernn. Desu[lvigenn soll]enn unnd mugenn gedachter Wessell unnd sine [ervenn] erfflick unnd ewichlick sunder je[man]des [.........]inge widderumb behold[enn] ane [.........................] gferdhe. Disses tho meherer b[ev]esting und [ur]kundth d[er] warheth hebbenn wie lanndthm[arscha]lck Dutzschs ordenns obgemelt unser [am]p[t]s inngeseggell undenn an dissenn breff witlich don hangenn, de gegevenn unnd geschreven [is] tho Asscheradhe nha Christi unsers heilanndes [gebor]th im voff[tein]hunderdenn unnd verti[g]stem jarhe dags Scholastice virginis.(?)