Kurland Property Records

Document text

back to search

erg0858

Johann Blomberg überläßt Jakob Jode zwei Brüder namens Mattis und Jakob, die er gleich seinen Erbbauern behalten soll. Puhnen, 1538 Sept. 29
Besitzabtretung
Überlieferung:
aus A: Ausf.
Archiv: GStAPK, VIII. HA B 24: Sammlung Stavenhagen Urk. Nr. 339
Hide variants and comments | Show variants | Show comments | Show variants and comments |
Ick Johann Blomb[e]rch bockene unnd bethwge vor my unnd vor mynen rechten waren erven, dat ick deme erbaren unnd erentfesten Jacob Jo^edenn geve unnd vorlatte gancz unnd gar twe manes myt namen Mattys unnd Jacob, twe broder, de sal he beholden gelicke synenn erfburenn. Ock sal Jacob Jode de macht hebben, de manes tho vorderenn, wor se henne loppen. So Johan Scharnewefer, wonhafftych tho Grobyn, thosage hefft tho deme enen mane, Mattys genometh, de thosage heveth kene stede. He hefft my geloveth, he my den man myt vysche wolde botalenn. Ick velfacken tho eme geschycket unnd hebbe nychttes konen erlangen. Darmede kan ick beweren, dat myn breff kene stede heveth, den Johan Scharnemefer hefft. Ick hebbe in sovel jaren nycht enen vysch van eme entfangen. Deste mer tho orkunde der warh[ei]t hebbe ick Johan Blomb[e]rch dussen breff myt myner egen hanth geschreven, dartho myn angeborenn pecer pitzer = Petschaft hyr wnder dussen breff gehangen, de geschreven is in mynem hoffe tho Punnen up sunte Mycheles dach anno int jar XXXVIII.