Kurland Property Records

Document text

back to search

erg0850

OM. Wolter von Plettenberg belehnt Bastian von Elte und seine Erben mit dem dem Orden anheimgefallenen Gut im Kirchspiel und Gebiet Hasenpoth, das sel. Thewes Vorspill und sein Vater zuvor besaßen, zu Lehngutsrecht. Wenden, 1529 März 1
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 275; GStAPK, VIII. HA B 24: Sammlung Stavenhagen Urk. Nr. 301
Hide variants and comments | Show variants | Show comments | Show variants and comments |
Wye Wolther vann Plettenbergk, meister Duitzsches ordenns tho Lifflande, doenn kund, bokennenn unnd botuigenn apenbar inn unnd mid dissem unserm apenenn vorsegeldenn breve vor idermennichlich, dath wie mid rade, willenn unnd fulborth unser werdigenn medegebedigere Bestiann vann Elthe unnd alle synenn rechtenn warenn ervenn gegonth, gegevenn unnd vorleneth hebbenn, als wie inn krafft disses unsers apenenn vorsegeldenn breves gonnenn, gevenn unnd vorlenenn eynn guid, im kerspell unnd gebede thom Hasenpotthe bolegenn, als dath Thewes Vorspyll unnd synn vader bevornn allerfrigesth gehatt, gebrucketh unnd bosethenn hebbenn unnd als id nach doethlickenn avegange zeligenn Thewes Vorspils ann uns und unsernn ordenn vorfallenn, mith allerleye thobehoringe, nutt unnd bokwemicheitt, wue die genhometh synn ader genhometh mogen werden, als ann ackerenn geradeth unnd ungeradeth, hoyslegenn, wischenn, weydenn, vhedriffthenn, honnichbomenn, honnichweidenn, woldenn, holtingenn, buschenn, birßenn, wathernn, beckenn, szipenn, sehenn, vischerienn, vogelienn unnd susth alles, wue genanthe Bestiann unnd syne rechtenn warenn ervenn nha inholth unnd vormoge der oldenn lehenbreve recht tho hebben mogenn, nichtsnicht buthenn boscheidenn, vorthann tho hebbende, tho gebruckende unnd tho beholdende frig unnd fredesamlicken nha lehenguids rechte. Inn urkunde unnd bovestinge der warheitt hebbenn wie Wolther, meister upgemelth, unser ingesegell withlicknn undenn ann dissenn breff lathenn hangenn, die gegevenn unnd geschrevenn is tho Wendenn mandages nha Oculi anno viffteynhunderthunndnegenundtwintich.