Kurland Property Records

Document text

back to search

erg0847

OM. Wolter von Plettenberg entscheidet in der Streitsache zwischen Ludecke Nagel und Cristoffer Butler um 6 Haken Landes in Todaischen zugunsten des ersteren. Wolmar, 1525 Juli 12
rechtliche Auseinandersetzung
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 253; GStAPK, VIII. HA B 24: Sammlung Stavenhagen Urk. Nr. 281
Hide variants and comments | Show variants | Show comments | Show variants and comments |
Wie Wolter vann Plettenberch, meister Duitzsches ordens tho Lifflannde, doenn kundt, beckennen und betugenn mith dussen unsen apenn vorsegelden breve, dath vor unns erschenen is Ludecke Nagell, de dann Cristoffer Butler vor idt recht geladenn unnd hefft uns einen breff, warinne Engelberth van Vorspill unnd sinen ervenn sees hacken landes, geheiten Thodaysenn, in der borchsockinge unnd kerspell tho Alswange bolegenn, vann unnserm vorvader Johan vann Mengedem, anders genanth Ossthofft, lofflicker gedechnisse vorleneth sin, erthoget. Dussen breff hefft bemelte Engelberth Brun Vrilinck tho truwer hanth gedaenn, de ene dan ane recht hefft doden unnd cantzeleren latenn und sick sulvest sodan lanndt sunder b[e]wis des oldenn leenbreves van uns vorlenen latenn, warup dan unnse mannrichter inn Curlandt geordelt unnd sententierth. So is nu Diderich Lamstorp ane vullmach[t]% im Knick des Pergaments Cristoffer Butlers erschenen unnd de nyen unse leenbreve erthoget, warup wie ge[se]ntentierth und ordelt, dat Cristoffer Butler und sine ervenn denn affsprocke, so tho G[o]ldingen geschein, gnoch doen sollen. Des sall de cumptur tho Goldingenn Ludecken Nagell up nativitatis Marie negest komennde sees hacken landes na inholde des oldenn leenbreves thometten latenn. Ock sall Cristoffer Butler up sin eegen unckost denn nyen leennbreff Ludecken Nagell und sinen ervenn tho hanthreckenn vorplicht sin. Dusses tho orkunde und tuchnisse der warheit hebben wie Wolter, mester bavennbenompt, unser ingezegell benedden wittlick ahnn dussen breff laten hangen, de gegeven is tho Wolmar midtweckens na Kiliani im veffteinhunderdesten und viffundetwintigestem jare.(?)
comment
pressureVgl. den früheren Entscheid des Ordensmeisters zwischen Tewes Vorspell und Ludeke Nagel von 1522 Juni 23 (Erg. 746).