Kurland Property Records

Document text

back to search

erg0843

Gerhard von der Brüggen, Komtur von Doblen, beurkundet für Hante Jeger auf dessen Bitte hin wegen Beeinträchtigungen durch seine Nachbarn den Grenzverlauf seines Lehngebietes nach einer Grenzbegehung mit den dortigen Bauern. Doblen, 1511 Aug. 24
Grenzbegehung
Überlieferung:
aus A: Ausf.
Material: Perg.
Archiv: GStAPK, VIII. HA B 24: Sammlung Stavenhagen Urk. Nr. 228
Hide variants and comments | Show variants | Show comments | Show variants and comments |
Ick Ghert van der Bruggenn, cumpthuir tho Dobbelenn Duitzses ordens, bekenne vor alsweme vormiddelst dossen apen breve, dat vor mi irschenen is Hante Jeger mit sineme lehenbreve klagende, em avertastinge sche van sinen naburs in den sinen, weß em vann unseme orden ghegeven unnd vorlent is na inholde unnd uithwisinge sines breves. Szo si ick cumpthuir bavenbemelt mit sumighe unses ordens ghetruwen unnd olde buren dar up ghetagen, dat ghebreck to beßende, war ein den anderen schedelick sin mochte na vorvolghe doß lenbreves. Dar den schelinge unnd ghebreck der schedinge na inholde bevunden is doßhalven teken unnd merke der schedinghe unnderghekamen unnd vorgan weren irkant van den olden lantsaten men na erer kunde unnd irkentenisse de schedinge, up dat ihre [] teken enislick bi dem sinen blive, umme mer quades to vormiden, na vorvolge antogande uith der Berße ein siep upwart langes Sauwen [] schedinge an ein ghebrokede, langes dat ghebrokede to gande an enen ekenbom mit eneme cruce, van dem bome den berch up to gande an ene kule, vort van kulen to kulen to gande went an dat Meddeneghebrokede, dar ein ekebom steit mit eneme cruce, langes dat Meddeneghebrokede to gande went an enen grenen bom mit eneme cruce, van dar langes Hante Puissin sin landt, dar ene kule is, van der kulen to gande an dat Musghebrokede, langes dat Musghebrokede to gande an Hans Soralen []% möglicherweise auch Spralen zu lesen schedinge, langes de schedinge dael to gande went an de Quese, der Quesen vort dael to volgende went an de Berße, de Berße langes dael to gande went an den erstenn anganck dosser vorghescreven schedinge. Hir an unnd aver sin gheweszen de erbaren unnd wolduchtigen gude manne Cordt Greue, Hermen van dem Berghe, Andreas Liue, Johann vam Dale, lantknecht, Hinricus Hindenborch, scriver. Dosz to mer orkunde der warheit hebbe ick mines amptes inghesegel witliken benedden an dat spatium dosses breves laten hangen, de ghegeven is to Dobbelen am daghe sant Bartolomeus apostel in den jartall unses Heren na siner ghebort, do men screff duszentviffhundertunndelven.(?)