Kurland Property Records

Document text

back to search

erg0816

Gerhard von der Brüggen, Komtur von Goldingen, und Ernst von Münchhausen, Vogt von Grobin, urkunden mit dem Mannrichter zu Kurland, Gerd Dönhoff, und seinen beiden Beisitzern, Engelbrecht Vitinck und Marx Firx, in der Streitsache zwischen den Brüdern Johann, Otto, Heinrich und Sander von Sacken betreffend das Erbe ihres Bruders Arnd von Sacken. Goldingen, 1527 Jan. 16
rechtliche Auseinandersetzung
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 266; GStAPK, VIII. HA B 24: Sammlung Stavenhagen Urk. Nr. 292
Hide variants and comments | Show variants | Show comments | Show variants and comments |
Wy Gerth van der Bruggen, cumpthur tho Goldinghen, Ernsth van Menckhußenn, vagedt tho Grobbyn, Duitzsches ordens, bekennen und betugen mit dusseme unßeme apenen vorßegelden breve, dat vor uns, dem manrichter tho Curlande, Gerth Donhaue, und szinen beyden byßittern, als Engelbrecht Vitinck und Marx Firx, volmechtich im gehe[ge]den rechte sint irschenenn de erbarenn unnd vesthenn Johan, Otto, Hinrick unnd Sander von Sacckenn, gebrodere, ethliker mathen ßeligen Arnds von Saccken, eres broder, nagelaten guder halvenn twisthafftich ahn allen parten irschenenn
dar wie dan ßemptlick mith ethliken guidemanns de szaken na vorschrivunge unnd bogerten unßers erwerdigenn hernn meisters vorgenamenn, clacht, rede unnd wedderrede, wes eynes ideren behelp behertiget
dar dan Johann van Sacckenn eynenn brieff vor unns, inholdende, who ßie ßick vordragenn, ingelacht, warup de gebrodere, als Otto unnd Sander, wedder tegenn dem upgedachten Johan ßick eynes testaments ßeligen Arnds beroembt unnd bogerth, off ßodan testament unnd laste willen ock by werden tho holden ßolde macht hebbenn. Des wie dan under unns Johanns ßowoll ßine inleggunge als der beiden broder begerthe bewagen unnd irkant, dath gemelte ßelige Arnndt ßick by ßinen levendigen dagen unnd utersten no^eth nicht mith inwaneren dusßer lannde offt mith eynen vorßegelden testament bewart unnd befestiget hefft, darmith de gebrodere ßemptlick tho ßinen guderen tho geliker deelungen gan szollen unnd moghenn. Dusßes tho urkunde unnd mherer bestedinge der warheit hebben wie cumpthur unnd vagedt ßampt gemelten manrichter unnd gudemannen who baven unnßer ampthen unnd angeboren ingeßegell unnden ahn dusßen brieff witlicken dhon hangenn, de gegevenn unnd gescrevenn tho Goldingenn inn den jaren unßers herenn Christi gebort dußenntvieffhundertunndßoeventvintigsten jare ahm avende Anthonii.