Kurland Property Records

Document text

back to search

erg0794

Bf. Hermann von Kurland urkundet in der Streitsache zwischen den Brüdern Otto und Johann von Sacken um die Aufteilung der Räume im Hause Sacken. o.O., 1533 [Okt. 22]
rechtliche Auseinandersetzung
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 300; GStAPK, VIII. HA B 24: Sammlung Stavenhagen Urk. Nr. 326
Hide variants and comments | Show variants | Show comments | Show variants and comments |
Wie Hermannus, vann Gades gnadenn bisschopp der kerckenn tho Churlanndtt, doenn kundt unnd bokennenn offenntlick unnd openbar in unnd midt dussem unserm openen vorßegelden breve vor einen idermennichlick unnd alßweme, de ehne seen, horenn ader leßenn, dath vor unns unnd unsem sittende rade mithwekenns nach Luce evangeliste gekamenn unnd erschenen szynn de erbarnn unnse leven getruwen Otte vann Sackenn, kleger, eins unnd Johan van Sackenn, gebroder, anders deels, unnd benanth Otte van Sackenn, unnse leve getruwe, vor unns eropenet unnd vorgegevenn in form unnd wyße, wue hirnha geschreven steith: Dewile synn broder Johann dat ruem midt dem schorsteine im hues tho Sackenn sick nach siner deelltzeddelenn beide, unnder unnd bovenn, thothoegennde willenns menynge unnd de kokenn nach siner deelltzeddelenn ehme thogefallenn, vorßege sick tho Gade unnd tho rechte, nachdeme dat keine koken ahne schorstein muchte genomet werdenn, dessulvigenn rumes mit dem schorsteine tho geneten, darvann ock unvordrungenn synn wolde, darup vann beider parte unafflatiger unnd instendichlicker anffordringe vann unns affgesprokenn unnd erkannth alßo: Inn sackenn, so tuschenn denn erbarnn unnd vhestenn Otte van Sacken eins unnd Johann van Sacken, gebrodern, annders deels des rumes halvenn inn dem huse tho Sackenn gewonndtt, hebbenn wie nach klage und annthwordtt, rede, wedderrede, vorhoringe beider dele kunschofft unnd tuchenisse betrachtet, behartigett unnd erkannth, ahnn rechte seggenn unnd sprekenn: Dewile Johann nach rechte genochsam boweßenn, dat he vor der inlegginge der deelltzeddelenn de rueme, wue de tuchenisse nhabringenn, klarlickenn unnd egentlickenn sowoll Sanders als dusser twis[ti]ge sydenn afgewesenn unnd botekennt unnd doesulvest durch szwigennt der broder befulbor[t]h unnd nicht biegespracket, schall Johann unnd sine erven bie dem gemeltenn ruem under unnd [bo]ven gelickest Sander beth ahnn de mure blivenn, schall ock ein ider dre personen, den sze tru[w]en unnd loven, de ere beste wetten kunnen und mogenn, erwelenn, de dat vullenkamen rechtt, [Jo]hann dat ruem affthowisende unwedderroplick, darmidt ock Otten nicht tho nha geschege, hebben[n]% Knick im Pergament sullen unnd tuschenn beidenn delenn hanndelenn, wue men dartuschenn muren unnd bu[w]enn sall. Hirmidt sullenn beide offtberorde parte der sackenn enntlick unnd genntzlick ennthschedenn synn. Dusßes tho merer uhrkunde unnd groter tuchenisse der warheitt hebbenn wie Hermannus, bisschopp bavengemeltt, unnser ingesegell boneddenn ahnn dusßenn unnsern breff witlicken lathen hanngenn, de gegevenn unnd geschrevenn is nach Christi unnsers hernn gebortt dußentviffhundert unnd im dreunddrittigestenn jare.(?)