Kurland Property Records

Document text

back to search

erg0792

OM. Wolter von Plettenberg belehnt Lambert Starcke und seine Erben mit einem Stück Landes an der Bolderaa, worauf ein Bauer namens Dubbelt sitzt, mit dem Recht auf einen freien Krug und mit der Fischerei, zu Lehngutsrecht. Wenden, 1533 Juni 30
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 297; GStAPK, VIII. HA B 24: Sammlung Stavenhagen Urk. Nr. 323
Hide variants and comments | Show variants | Show comments | Show variants and comments |
Wye Walther vonn Plettennberg, meyster tho Lifflannd Duitzsches ordenns, doenn kundt, bekennenn unnd betuigenn in undt mit dissem unnserm apenenn vorsiegeldenn brief vor yedermenniglich, dat wie mit rade, willenn unnd vulborde unser werdigenn medegebedigere Lambert Starckenn unnd allenn sinenn rechtenn warenn ervenn gegevenn, gegunt unnd vorlenet hebbenn alse wye eme inn crafft disses breves gevenn, gonnenn unnd vorlenenn ein stucke lanndes upp dem hakenn unnd up jenner sydenn der Bulder Aa bavenn des marschalgkes vonn Riga sinenn gesindenn bolegenn, dar eynn buer, Dubbelt, up sittet, denn he vonn Bernndt Krummisse gefriget unndt gekofft, dar gedachte Lambert unnd sine ervenn eynenn frienn kroch in hebben unnd holdenn mogen, midt der visscherienn, wo he dat hierbevornn besetenn unnd gebruicket hefft, vorthann tho besittennde, tho gebruickennde unnd tho beholdenn frig unnd fredsamlig nha leennguides recht tho ewigenn tydenn. Inn urkund und tuchnisße der warheit hebbenn wy Walther, meyster upgemelt, unnser inngesiegell unndenn ann dissenn breff withlig doenn hangenn, de gegevenn unnd geschrevenn tho Wenndenn monntags nha Petri unnd Pauli apostolorum anno nha Cristi unsers lieven hern gebordt dusenntviffhundert unnd darna im dreeunndedertigstenn.