Kurland Property Records

Document text

back to search

erg0777

Gerd Reyger urkundet, das Land im Hakelwerk [Talsen] mit einem Heuschlag an der Talsen-See an Markus Fircks verkauft zu haben. o. O., [15]29 Sept. 29
Verkaufsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 276; GStAPK, VIII. HA B 24: Sammlung Stavenhagen Urk. Nr. 302
Hide variants and comments | Show variants | Show comments | Show variants and comments |
Ick Gerth Reyger do kunth, bokenne unde betughe vor my unde mynen rechten waren erven unde vor alle conditien, stades unde grades, se synth geystlyck edder wertlyck, dath yck vorbenomede Gerth Reyger mytsampt myner erbaren husvrouwen myt vryen wolbedachten mode eynen koepp gedaen hebbe myth demme erbaren unde erentfesten Marcus Vyrkes umme dat lanth ym hakelwercke
demmeßulvygen Marcus Vyrkes unde szynen rechten waren erven unde bowyser dusses breves overlaten hebbe myth eynem hoeyslaghe an der Talssen szee, uthgenamen dre stucke landes unde de krochstede im hakelwercke an my unde mynen erven tho blyvende by dem have
szus yn alle dath lanth in ackertalle unde hoeysleghe umme dath hakelwerck demme vorbenomeden Marcus Vyrkes unde szynen waren erven, breves bowyßer, daer dan ick vorbenomede Gerth Reyger unde mynen rechten waren erven nummer up tho szakende edder emandes van mynenth wegen, he szy geystlyck edder wertlyck, fryg unde quyeth tho vuller noghe entfangen unde betaelth. Des tho merer tuchnysse, oerkunde der waerheyt hebbe yck Gerth Reyger de erbarenn unde erentfesten guden mans gebedenn, myth namen Dyryck Lamstorp, Degenhart Hyllebolth, myth my semptlik er angebaren yngeszegell unde up spatium dusses breves doen hangende, de gegheven unde geschreven ys am dage Mychaeli int XXIX jare.