Kurland Property Records

Document text

back to search

erg0765

Christoffer Korstell bekennt, von Herrn Daem van der Balen gen. Fleck, Hauskomtur von Goldingen, 100 Mark Rigisch aus der Schloßkirche entfangen zu haben. Er verpflichtet sich, dafür 6 Mark jährliche Rente um St. Johannis (24. Juni) zu geben, und verpfändet zur Sicherheit das Land zu Terwest im Amt Goldingen und Kirchspiel Talsen. Goldingen, 1526 Juli 19
Pfandurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 260; GStAPK, VIII. HA B 24: Sammlung Stavenhagen Urk. Nr. 285
Hide variants and comments | Show variants | Show comments | Show variants and comments |
In deme namen, dar alle warheit inne is, ick Kristoffer Korstell bekenne unnd bethuge mith dussem myneme apenen vorßegelden breve unnd my verplichte vor my unnd myne voer- offte nakamende ervenn, who de szin unnd noch moghen werden, in christlikem gloven, dath ick bavenbenompte Christoffer von dem werdigen unnd achtbarnn herrnn Daem van der Balen, genanth Vlecck, huiscumptur tho Goldingenn, eynhundert marck Riges, als nhu in Lifflande genge unnd geve ys, uth der kerken tho schlotte up renthe jarlings na dato hir unden gescreven up santt Johanns mitthe im szommer eyn achte dage ungeferlick dar bevor edder na tho vorrenthen entphangen hebbe unnd van den hundert mark szoß marck na older gewonheit dusser lande szunder jennierley irfunde edder behelp, bett de mynsthe pennynck mith dem meisten betalet, alle jar uthrichten unnd geven will. Weret averst ßake, dar Gott vor ßy, ick edder myne ware erven edder beßitter mynes gudes in der renthen up bestembde termine tho geven gebrecklick befunden worden, szo ßette ick dem gemelten herrnn huiscumpthur, vorweßer ßines ampts edder derßulvigen slates kerken vormunderen vor eyn genugßam underpanth tho pande dath lanth tho Terwest im ampte tho Goldingenn unnd kerspell to Talsenn, als dat upp dith [p]aß% Schnitt im Pergament beßat unnd unbeßat is, dar ßick gemelte herr huiscumptur, vorweßer ßines ampts edder derßolfftigen slates kerken tho Goldingen vormundere mogen inweldigen, beßitten unnd gebruken mith allerley thobehoringe unnd beqwemicheit ahn acckeren geradet effte ungeradet, wo de ßint edder na leengudes rechten genompt mogen werden, nichts buthen boscheiden, dathßolfftige landt tho Terwest in werden tho hebben ßunder alle rechts dwangk, nicht tho rhumen, bett ßo lange de hoffsumme mith der renthen voll unnd all tho voller mathen vornuget unnd entrichtet is. Unnd ßo durch de herschopp dusser lande unnd gemeynen riddersscopp der vorßeten renthe halven tho vorblyven gehandelt unnd ingegan worde, ßall dusßem breve der renthe uth tho geven unforfenglik ßin. Inn orkund unnd bekentnisß der warheit hebbe ick Christoffer Korstell de erbarnn unnd vesten Marx Ferix unnd Dirick Buthler tho Tucckem, ße ere angebornn ingeßegell unnd signett beneffen mynem angeborn ingeßegell benedden ahn dussen breff withliken lethen hangen, dem alßo my tho bedancken geschien, angelanget unnd gebeden, de gegeven unnd gescreven is tho Goldingen im gemeynen mandage donnerdages na Margarete im vieffteinhunderstenn unnd szoßunndtwintigsten jare.(?)