Kurland Property Records

Document text

back to search

erg0759

OM. Wolter von Plettenberg belehnt Christoffer Kurszell und seine Erben mit einem Stück Landes im Amt Vitzehden und mehreren Heuschlägen, genannt Gibben, in beschriebenen Grenzen zu Lehngutsrecht. Wolmar, 1525 Juli 10
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 252; GStAPK, VIII. HA B 24: Sammlung Stavenhagen Urk. Nr. 280
Hide variants and comments | Show variants | Show comments | Show variants and comments |
Wye Wolther van Plettenberch, meister Duitzsches ordens tho Lyfflande, doen kundt, bekennen unnd betugen myt dussem unszerm openen vorszegelden breve, dat wye myt willen, vulborde unnd rade unszer erszamen medegebedigernn Cristoffer Kurßell unnd alle sienen rechtenn warenn ervenn gegevenn, gegunt unnd vorlent hebben, alsze wye my[t]% an dieser Stelle überflüssiger Wortanfang inn craft dusszes breves gunnenn, gevenn unnd vorlenenn ein stucke landes im ampte tho Vitzenn myt etzlickenn hoyszelegenn, genomet Gibbenn, in dusser nagescrevenn schedinge bolegenn: int erste anthohevenn ann Jurgenn Hanenn siene schedinge, und szo vortann tho gande denn Sparschenn wech bisz ann de Szillup, de Szillupp daell tho gande bisz inn de Stindesche becke, de Stindessche becke up tho gande bisz ann Hanenn siene schedinge, dersulvighenn schedinge tho volgenn bisz up denn vorberorten Sparsschenn wech
myt allerleie nutt unnd boqwemicheit, wo de genomet sin ader genomet mogenn werdenn, alsz ann ackernn geradt unnd ungeradt, hoyslegenn, weiden, vedriftenn, holtingen, busschen, byrszenn, watternn, beckenn, szenn, szypenn, honnichweidenn, honnichbomenn, visscherienn, vogelienn und allet, war Cristoffer Kurszell unnd sienenn rechtenn warenn ervenn mogenn rechtt tho hebbenn, nichtsnicht buttenn boschedenn, vordann unvorhindert tho hebbenn, tho bosittenn, tho beholdenn unnd tho gebruckenn nha lengudes rechte tho ewigenn [tidenn]. Dusses tho orkunde unnd befestunge der warheit hebbenn wye Wolther, meister ergedacht, unsze ingeszegell witlick ann dussenn breff latenn hangenn. Datum Wolmer mandages nha Kiliani martiris nha Cristi unszes hernn gebort dusentviffhundert darnha im viffundtwintigestenn jare.(?)