Kurland Property Records

Document text

back to search

erg0757

OM. Wolter von Plettenberg beurkundet die durch Vermittlung von Godeke vam Loe, Komtur zu Marienburg, Jürgen von Hoyte, Hauskomtur von Riga, Loff vam Loe, Schäffer zu Wenden, sowie von Johann Bockhorst, Johann Lode, Johann Anreep, Johann Krage erzielte Einigung zwischen den Brüdern Jürgen, Andreas und Johann Korff über die strittige Zahlung von insgesamt 4000 Mark Rigisch an Jürgen Korff, die diesem beim Tode ihres Vaters Klaus Korff auf sein Erbteil angerechnet werden soll. Wenden, [1524] Dez. 22
rechtliche Auseinandersetzung
Überlieferung:
aus B: Konzept
Material: Pap.
Archiv: Stockholm RA, Livonica I vol. 6
Hide variants and comments | Show variants | Show comments | Show variants and comments |
Wie W(olter) van Plettenberch, meister D.O. tho L(ifflande) don kundt, bokennen und botugen mith disßem unßerm openen vorsegelden breve, dath vor uns, de gebediger, unser achtbarn rede und ritterschop erschenen syn de erbarn unse leven getruwen Jurgen, Andres und Johan, gebrodere de Korue genometh, der veerdusenth marck halven, dar se bith her tho under sick twistich umb gewesen, thor Keimen gegeven, wo ße sik vormitz und dorch vorhandelinge der werdigen und ernvesten unser leven andechtigen und getrewen ern Godeken vam Loe, cumpthurs thor Marienborch,% folgt gestrichen Loff vam Loe, s[chaffer] Jurgen van Hoyte, huskumpthur tho Rige, Loff vam Loe, schaffer tho Wenden, Johan Bockhorst, Johan Lode, Johan Anreep und Johan Krage in eine fruntlike vordracht, ßo hir na boschetliken angetekenth, gegeven, desulvige vast unvorbrocken tho holdende ingegan und boleveth, alßo dath Johan und Andres sollen und willen in dato erem broder Jurgen boven de 2000 marck, de he alrede vorhenne van synem vederliken erve entfangen, noch twedusent mark Rig(isch) uthrichten und vornoegenn
% folgt gestrichen Des so hefft Jurgen, sines broders Andres gebrecklicheit angemercketh, eme van der summen 100 mark wedder to gevende und tho kerende bolaveth. jodoch bie sodanem boschede, dath Jurgen vor und up sodane 2000 mark synen upbenomeden beiden brodern in den go^ederen, de he mith dem bostempten gelde boslan und kopen werdt, genochßame vorwissinge und vorsegelatie don und geven ßall, und dath uth folgender orßaken: Szo er vader Claus Korff na deme willen Godes stervet und Jurgen ßo vele, alße he alrede entfangen hefft, na geliker delinge der gudere tho synem parthe nicht geboren edder thokomen worde dan eynem idern broder, wan dath gelt und redeste gelike gedeleth, ßo vele nicht alße desse berorde veerdusent marck thoqweme, so sal Jurgen den andern berorten twen dren gebroderen wo ok dath de uthgesneden zceddele d[...] clarliken nabringeth darvan so vele, dath de boringe edder delinge gelick thoga, wedder thokeren und in drechliken terminen, alße dat na erkentnisse in fruntschop bodegedinget wirt, uthrichten. Wo averst de guder over de 4000 mark sick streckeden, sall und mach Jurgen in geliker mathe und dele mede anparthen und genethenn. Ok ßo he vormitz gotliker vorordeninge vorstorve, ßall sodanth siner husfrowe edder kyndern, so eme de Almechtege vorlenet, thogekereth werden. Des ßall sik na dotliken affgange eres vaders Claws keyner der guder, se syn bowechlik edder unbowechlick, bokummeren edder underwinden, bith solange idt Jurgen wirt vorwitlicketh, dar selvest bie komen und, wes dar vorhanden, mede bosichtigen mach.% folgt gestrichen Und dewile Andres Korff ein kranck gebrecklik man ys, will em Jurgen uth broderliker leve van der vorigen summen 100 mark wedder in ener giffte thokerenn. Hirmede sollenn der genompten drier broder alle twistsaken und schelinge thom gantzen vullenkomen ende geslichtet und entscheden syn. Darmith nu sodane vordracht und fruntlike boleninge deste beth[er] und vestliker moge geholden und vullentagen werden, hebbenn uns de brodere van beiden parten ßemptliken underdeniges flites gebeden, wie ene darover unser tuchnisse geven wolden, welck wie ene der billicheit na nicht weigern konen. Hebben darumb, dath dit also vor uns, wo boven gerorth, gescheen, tho mherer bofestinge der warheit unse ingesegell rechtes wethens unden an disßen breff don hangen. Gegeven to Wenden donrdages na Thome apostoli.(?)
comment
pressureVgl. Erg. 754 u. Erg. 755.