Kurland Property Records

Document text

back to search

erg0755

[OM. Wolter von Plettenberg] an den Komtur von Goldingen: er möge den drei Brüdern Korff befehlen, ihrem Bruder Jürgen Korff bis 1524 Nov. 11 die vereinbarte Geldsumme zu bezahlen oder ihm nach erfolgter Hinterlegung der bereits gezahlten 1000 Mark zu Wenden seinen Anteil der Güter, derzeit im Besitz des Klaus Korff befindlich, samt dem Nutzen aus diesem Jahr zu überantworten. Trikaten, [15]24 Okt. 4
anderes Schriftstück
Überlieferung:
aus B: Konzept
Material: Pap.
Archiv: Stockholm RA, Livonica I vol. 6
Hide variants and comments | Show variants | Show comments | Show variants and comments |
An denn cumpthur tho Goldingenn uth Trikaten dinxdags nach Hieronymi XXIIII+o. Leve her cumpthur. Iw iß ahne twivell noch wol in frisscher gedechtnisse, wo in vorgangenn jare, als nemplich am dage Lucie, bie unns in jegenwerdicheit unser ersamen medegebediger, iwer personenn unnd achtbarnn ritterschaff[t], ock dem rade Harrien unnd Wirlande, de erbaren unnse leven getruwen Johan van Loe unnd Johan Lodenn der twistsake halvenn, so twisschenn Jurgen Korue unnd sinenn gebrodern noch swevende, erscheinenn unnd wie de silviges nach der uthgesnedenn tzedell uns ertoget, darinne gemeltes Jurgenns unnd siener brodere boleninge clarligk uthgedrucket unnd vormeldet, wo gy ock uth ingelachter copien hebben tho vornemen, sampt unnsern medegebedigeren, achtbarn ritterschafft, so vele der up dath mall dar gewesenn, unnd rade uth Harrien und Wirlannde, wo ok uth dusser unnsers breves copien erkanth mach werdenn, ene affsproke gedann, de summe geldes, welckere Jurgenn van sienen brodern na erer boleninge solde hebben, up ene bstemde tidt, als nemlich vorgangen Laurentii, van sienen broderenn tho Wenndenn solde entfangenn, dar de gedachte Jurgenn de summe gelts tho entfangende mith enem affgedrucktenn segell, sinenn broderenn eine genochzame qwitantienn averthoandtwordenn unnd eren vorigenn boleningen genoch to donde personlich gewesenn,% sinngemäß in diesen Zusammenhang gehörig die Anmerkung am Rande der nächsten Seite: Nu is up de bstemdte tidt Jurgenn mith Johan van Loe affgedrucktem ingesegell, sinen broderen ene genochzame qwitantie oren bogerten unnd [...]rachten nach tho overandtwordende, tho Wenden gewesen der menunge, he sodane summe geldes entfangen wolde unnd sine geloffte unnd vorwillinge wenthe thom ende vorvolget und noch gedan. Dan dewile, is sodann termynn der botalinge noch wider wente up itzvorgangenn Michaelis vortrecket vortrecken = hinzögern, versäumen worden unnd averst middeler tidt hebben denn dren gebrodern geschrevenn, se alsdenn twedusent marck sunder alle inrede unserm affsproke unnd oren boleningen nach genanthen Jurgen tho Wendenn soldenn enthrichtenn. Darup se unns scrifftli[c]hen, so gy wider erfarenn mogenn uth ingelachter orers breff copien, se eme also in der uthgesnedenn zedell, up welckere unss affsproke geschen, nicht gelavet unnd wolde ene swerlich itzunder mith der ile sodan summe geldes tho enthrichten ankomenn. Dewile sich de dinge in der warheit anders, siner broder entschuldinge bogeven unnd wie unnse segell unnd breve gedencken unnd willenn bie macht holdenn, is unnse boger, gy gemeltenn dren brodern ernstlich bovelenn, se nach orenn contracte unnd boleningen upgedachtem Jurgenn, orem broder, twisschenn Martini genochzame botalinge vorschaffenn ader sinen antall der gudere, de sin broder Clawes in bosittunge [hefft], nadem Jurgen de dusent marck, de he alrede up siner gudere antall entfangen, tho Wenden inth recht gelacht unnd wedder in siene gudere tho treden guthwillich, wedd[er]umb mith allem nutte, he darvan duth jar entfangen, averandtworde ader sienem vulmechtichen, als nemlich sienen broder, den he bie unns vulmechtich gemaket. So se dussenn unnsern bogerten nach sich nicht in frundtschafft woldenn holden oder entschedenn, ys unse boger, gy dem richter bovelenn, he eme nach gewontlikem rechte wedder in siene gudere vorhelpt, darmith dusse twist unnd errunge eins vor alle hennegelacht unnd wie nicht mer dusser sake halven benoyet unnd averlopenn werdenn, angesehen wie doch allenthalvenn mith mennichvoldigenn wichtigern unnd grotern saken boswert werden. Darahn geschuith unns dangknamich gefallen. Dusses ein andtwordt. Datum ut supra. In sunderheit de 1500 marck in unser affsproke vermelt mogen in keinem wege gebreck halven ader vorsumnisse Jurgen thogekurt in sinen nadell werden, dan de broder velegedacht, dewile se oren boleningen nicht genoch gedan, solden de 1500 marck enthrichtet hebben uth den gudern, so were de saken entscheden.(?)