Kurland Property Records

Document text

back to search

erg0704

OM. Wolter von Plettenberg belehnt Wilhelm von Melen und seine Erben mit 7 Haken Landes, genannt Castanghen-Land, im Gebiet Windau in beschriebenen Grenzen zu Lehngutsrecht. Trikaten, 1515 Mai 22
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 215; GStAPK, VIII. HA B 24: Sammlung Stavenhagen Urk. Nr. 240
Hide variants and comments | Show variants | Show comments | Show variants and comments |
Wie Wollter vonn Plettemberch, Duitzsschs ordenns meister tho Lyfflannde, bokennen unnd betughenn in unnd myth disßem disßenn unßem apen vorßegeldenn breve, dath wy myth rade, willenn unnd fulborde unßer erßamenn medegebedigere Wilhelm vonn Melenn unnd alle synen rechten warenn ervenn gegunth unnd vorlenth hebbenn und in krafft diss[e]s breves gunnen unde vorlenenn soven haken landes, ghenompth Castanghen landt, im gebede thur Wyndow in disßer naboschreven schedinghe gheleghenn: inth irste anthogande uth der Wyndow langss des kerckhernn tho Lanßen acker bith up dath velth, dar eyne kule ist
von der kulen vorth tho gande stracks aver bith an eyn gebrokede, genompth Walnedern arre, dar eyne kule is
von der kulen vorth tho gande langs dath gebrokede bith tho deme sype de Beiste, dar eyne kule is
vorth dath syp daell tho gande bith wedder in den strom Wyndow
myth allerley thobohoringhe, nueth unde boqwemicheith, wo de genompth syn offte genompt mogen werden, an ackern geradet unde ungeradeth, hoyslegen, busschen, byrßen, holtingen, honnichbomen, honnichweiden, vischerien, beken, szeen, sipen und alleth, war gedachter Wilhelm unde syne rechten erven mogen recht tho hebben, nichts buten b[o]scheden tho hebbende unde tho gebrukende erfflick na lengudes rechte tho beholdende to ewighen tiden. In orkunde der warheith hebben wy Wolter, meister bavengenompth, unße ingeßegell wittligk an disßen breff don hangen, de gegeven is tho Trikaten im viffthenhundersten unnde vifftheinden jare dinxstages nach dem sondage Exaudi.
comment
pressureVgl. die frühere Verlehnung desselben Landstücks von 1511 Sept. 15 (Erg. 690).