Kurland Property Records

Document text

back to search

erg0687

OM. Wolter von Plettenberg belehnt Ambrosius Sperling und seine Erben mit dem Land im Amt Kandau und im Kirchspiel Talsen, das vormals Hermann Rummel und danach Cort Goltbecke besaßen, zu Lehngutsrecht. Tuckum, 1511 Aug. 29
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 202; GStAPK, VIII. HA B 24: Sammlung Stavenhagen Urk. Nr. 230
Hide variants and comments | Show variants | Show comments | Show variants and comments |
Wy Wolter vann Plettembergge, meister tho Lyfflannde Duytzschs ordenns, doin kunt, bekennenn unnd betuygenn myt dussem unnsem apenenn vorsegeldenn breve, dat wy myt rade, willenn unnd vulborde unnser ersamenn medegebedigere Ambrosius Sparlinck unnd alle synenn rechtenn warenn ervenn gegunt und vorlehennt hebbenn unnd in crafft unnd macht duss[e]s breves gunnen unnd vorlehenenn sodaenn lanndt, als dat im ampthe tho Candow unnd kerspell tho Taltzenn belegenn is, als dat in vortydenn Hermann Vummell []% Lesung des ersten Buchstabens unsicher, die richtige Schreibung des ursprünglichen Besitzers muß Rummell lauten, vgl. Bauer 122 u. Bauer 421. upt allervrygest besettenn unnd gebruyket hebbenn na uithwysennge der lehennbreve, eme vann unnsenn vorvederenn, meister tho Lyfflannde mylder gedechtnisse, darup gegevenn, unnd war Ambrosius unnd alle syne rechtenn warenn ervenn vorgemelt mogenn recht tho hebbenn, nichtesnicht buten bescheidenn, vort tho hebbennde, tho besyttennde, tho gebruykennde unnd tho beholdennde vry unnd vredesamlickenn nha lehenguydes rechte tho ewigenn tydenn. Deß tho orkunde unnd tuchnisse der warheit so hebbenn wy Wolter bovenbenompt unnse ingesegell rechtes wettenndes benedenn ann dussenn breff doin hangenn, de gegevenn unnd geschrevenn iß tho Tuckum am frydage na Bartholomei im jare unnsers Herenn duysentvyffhundertunndeylff.(?)