Kurland Property Records

Document text

back to search

erg0660

Hermann Meyguerd verkauft in Gegenwart Wennemar Platers, des Vogtes von Grobin, Heinrich Ostendorp sein Lehngut für 125 Mark Rigisch. Grobin, 1480 Juli 25
Verkaufsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 128; GStAPK, VIII. HA B 24: Sammlung Stavenhagen Urk. Nr. 142
Hide variants and comments | Show variants | Show comments | Show variants and comments |
Ick Hermen Meyguerd bekenne und betuge in dussem openen breve vor my und alle myne waren erven und anerven und vor alle denjenen, de dussen breff se^en, ho^eren offte lezen, dat ik Hermen Meyguerd hebbe upgelaten, upgedregen und vorkofft myd hande und myd munde in jegenwardicheyt des werdigen hern Wenemer Plater, voged to Grobyn Dutssches ordens, dem erbarn manne Hinrick Ostendorpe myn leengud na uthwisynghe der leenbreve vor viffundtwyntich mark und hundret Rigessch, welkerre ergerorde summe alsß nemptlik 25 mark und hundert hevet my de ergescreven Hinrick Ostendorp deger, vul und al to guder betalinge wal betalt und vornoget sunder jenigerleye anspreckinge eder argelist. Dar an und over isß gewesen in sodaner betalinge de werdige her Wenemer Plater, voged to Grobynn, her Jasper van Hoyten, broder Dutssches ordens, Hinrick Backhus, Hermen Swenne, Johanns van Osenbrugge, sryver, und mer guder lude genoch. Des to merer tuchnisse und seckerringe der%der {em wiederholt A} warheyt hebe ik Hermen gebeden dem werdigen hern Wenemer Plater, voget, syns ampts ingesegell dorch bede willen unden an dussen breff don hangen, de gegeven und gescreven isß to Grobyn im jaren unses Hern M+oCCCC+o darna im LXXX+{ten} jare am dage Jacobi apostoli.