Kurland Property Records

Document text

back to search

erg0388

Bf. Hermann von Kurland belehnt Karl Soye und seine Erben mit den Gütern, die zuvor Gregor Hildebolt und danach sel. Lambrecht Swartewolt besaßen, nämlich in der Herrlichkeit und dem Gut Neuhausen das Dorf, Land und Gut Blendinen mit 4 Haken Landes, das Dorf Moditen mit 4 1/2 Haken Landes, das Gut und Land Katzdangen und Ullialen mit 10 Haken Landes, das Dorf Ackmen mit 4 Haken Landes, gelegen im Gebiet Zirau, ferner mit 2 Haken Landes zur Oldenburg, alles zu Lehngutsrecht. Neuhausen, 1533 Mai 2
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 295
Hide variants and comments | Show variants | Show comments | Show variants and comments |
Wy Hermannus, vann Gades gnadenn unnd des hilligenn Romischenn stols bisschopp der kerckenn tho Curlanndtt, dhoenn kundtt unnd bekennen offenntlick unnd opennbar inn unnd midt dissem unnsernn openenn vorsegeldenn breve vor einem idermennichlick, de ehne seenn, horenn offt lesen, dath wie midtt willenn, vulborth unnd consentt unnsers wirdigenn capittels darsulvesth dem erbarnn unnd vhestenn unnsernn levenn getruwenn Carll Soyenn unnd synes lives ervenn gegundtt, gegevenn unnd vorlenndtt hebbenn, wue wie ock yn krafftt unnd machtt disses unnsers breves ehme unnd sines lives ervenn gunnenn, gevenn unnd vorlenhenn umb syner truwer densthe willenn, de he unns unnd unnsernn stift gedaenn, doen will, noch dhoenn kann unnd sall, alle de guedere, de bevornn Gregorius Hildeboltt unnd nach ehme Lambrechtt Swartewolth zeliger gedechtnisse nach ludhe unnd innholde der leenbreve vann unnsernn vorvadern darover gegevenn, welckere wie ock ynn alle erenn articulenn unnd puncten hirmidtt bie machtt delenn unnd bevestigenn, fredesam gebrukett unnd besetenn hebbenn, als benomplick datt lanndthguedtt ynn unnser herlicheidtt unnd gude Nienhusenn gelegenn: inndtt ersthe datt dorpp, lanndtt unnd gudtt Blendinen, datt yn sick [hefft] veer hackenn lanndhes, datt dorpp Moditenn [hefft] ynn sick vifftehalve hackenn landes, dat gudtt unnd lanndtt Katstaggenn unnd Vllialenn [hefft] ynn sick teynn hackenn lanndes, datt dorpp Ackmenn veer hackenn lanndes, bolegenn ynn dem gebede tho Cyrow, unnd wes sust de benannthen leenbreve unnser zeligen vorvadere vormeldende hebbennde
unnd noch twe hackenn lanndes thor Oldennburch midtt alle erenn merckenn, frygheitt, rechticheitt, nutticheitt, vyscherienn, holtingenn, ho[y]slegenn, busch, brack brock, jachtt, wyschenn, weidenn, tegedenn, tynnsen, waterenn, vletenn, molenn, wyltnissenn, gebuwetenn unnd aller thobehoringhe, wue datt genomett unnd genomett moge werdenn, nichtsnichtt buthenn boscheidenn, unnd sick ock midtt synenn lives unnd rechtenn erven dersulvigenn ahnn geverdhe unnd argelisth unnser ader unnser nhakomelingenn moghe gelickesth unnsernn andernn leenmannenn gebruckenn unnd darmidtt dhoenn, hanndelenn unnd lathenn nha leenngudes rechte. Disses tho merer orkundhe und groter tuchenisse der warheitt hebbenn wie Hermannus, bisschopp upgemeltt, unnser innsegell unnd unnser werdige capittell ere gewonnlicke secret boneddenn ahnn dissenn unnsernn breff lathenn hanngenn, de gegevenn unnd geschrevenn thom Niennhusenn inn unnsernn stiffte nach Christi unnsers heylanndes gebordtt dusennthviffhundertt unnd inn deme dreunnddrittigestenn jar fridages nach Philippi unnd Jacobi.