Kurland Property Records

Document text

back to search

erg0342

Hermann Keyserling teilt sein Erbe zwischen seine beiden Söhne Heinrich und Johann auf, wobei Heinrich, der seine Schwester Cilie ausstatten soll, das Gut Usseeken, Johann aber Haus und Hof mit allem Hausgerät und die anderen Landgüter erhält. Im Falle des vorzeitigen Todes eines Sohnes tritt der andere in dessen Erbe ein. Amboten, 1524 Sept. 29
Teilungsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 247; GStAPK, VIII. HA B 24: Sammlung Stavenhagen Urk. Nr. 275
Hide variants and comments | Show variants | Show comments | Show variants and comments |
Ick Herman Keyserlinck bekenne unde betughe meth dussen mynenn apenne vorsegeldenn breve vor allenn unnde idernn, vor geistlikenn unnde wertlikenn wath grades effte stades, de dussenn breff sehen, horen effte lesenn, dath ick tho herten genamenn unde overtrachteth hebbe de grote sware krancheit, my offtmals angekamenn. Unnde umme dotlikes affganges willenn unnde vele quades tho vormidenn, szo hebbe ick bavengemelte Herman Keyserlingk ßampt meth rade unnde vuulborth myner erbarenn husfrowe vor my genamenn myne beide ßons Hinrick unnde Johann, in myner geßuntheit unnde wolmach[t]% korrigiert aus wolfa[rt] gescheidenn unnde gedeileth unde enenn jenelikenn syn ahnparth ahnn lanthgudern overwesenn hebbe, ßo dath Hinrick, myn ßonne, schall hebbenn Vseyckenn meth allerleige thobehoringe by ßodanne boscheide, dat he nicht schall unnde mach ßyck darup tho vorandernn unnde keyne bosw[ering]e mith schuldenn, renten, kopenschoppe effte ßus anders warmede nicht affhendich schall makenn. Unnde Cilien, syne ßuster, schall he boraden, uthgeve[n u]nde beßorgen meth allerleige thobehoringe. Unde Johan Keyserlingk, myn ßone, schall hebbenn hus unde hoff unde alle, dath darin is, meth alleme husgerade unnde de andern lanthgudere ßamptlick alle meth aller tobehoringe by ßodanne boscheide, dat de ergedachte Johan Keyserlingk, myn ßonne, in dussen gudern syck schall vorandernn unnde bowyvenn. Szunder wes myn erbar husfrowe unnde ick Herman Keyserlingk ergedachte ahn husgerade Hinrick Keyserlingk, mynen ßonne, geven, gunnen unnde bodencken werdenn, schall he syck darahn latenn genugenn, szo dat de ene meth den andern in deme levende nicht mer to donde schall hebbenn. Is dath ock ßake, indeme wy alle sterffliken sinth unnde Johann Keyserlingk, myn ßonne, ane erffe in Godt vorstorve, szo schall unnde mach Hinrick Keyserlingk, ergedachte myn ßonne, in densulvigen gudern wedder tredenn unnde syck darinne vorandernn unnde bowyven, boßittenn unnde brukenn meth alle synen rechten echten warenn erven to evigen tidenn na uthwisinge des lehenbreves. Is dath ock ßake, dath Hinrick Keyserlingk, ergedachte myn ßonne, in Godt vorstorve ehr Johann Keyserlingk, ergedachte mynn ßonne, szo schall unnde mach de ergedachte Johan Keyserlingk, myn ßonne, wedder in densulvigen gudernn tredenn, boßittenn unnde brukenn meth synenn rechtenn echtenn warenn ervenn na lehengudes rechte to evigen tidenn, alße ick de gebruketh unnde boßetenn hebbe. Dusse bolevinge hebbenn myne beide ergedachtenn ßonns Hinrick unnde Johann ahn beidenn parten gutwillich ingegangenn unnde holdenn willenn by eren, trowenn unnde vastenn cristenngelovenn ane j[enige]rleige vorhalinge unnde argelisth to evigen tiden. Bidde derhalvenn underdaniges vlites mynenn hochwerdigenn, grotmechtigenn, gnedigenn [her]enn lanndesforstenn, meister tho Lifflannde, dat syne forstlick gnade duth ock gnedichlikenn tholatenn, vorgunnen unnde dar nicht enteg[en]% Loch im Pergament will synn. Unnde des to mer orkunde, tuchnysse unnde bovestinge der warheit synnth hir by unnde over geweßenn de erb[arn]% Loch im Pergament unnde erntfestenn Alleff Tanncke, burgreve tho Ambothenn, Otto vann Sackenn, Hinrick vann denn Brinckenn. Unnde noch tho mer sekernysse hebbenn ße ere angebaren ingeßegell ßampt by dath myne under in dath spatium dusses jegenwordigenn breves donn hangenn latenn, de gescrevenn unde gegevenn is tho Ambothenn in deme jare unnses Herenn, do men screfft na Christi geborth dußenntviffhundertunndeverunndetwintich ahnn daghe Michaelis.
comment
pressureIn Hermann Keyserlings Besitz befanden sich außer dem hier namentlich genanntennUsseeken seit 1492 die Güter Groß-Duppeln 3,6 km wnw Altenburg und Alt-Okten 2 km nnö Ligutten (vgl. Erg. 330 u. Bauer 389). Das Stück ist von derselben Hand ausgefertigt wie Erg. 753.