Kurland Property Records

Document text

back to search

erg0295

OM. Wolter von Plettenberg belehnt Martin Schulte und seine Erben mit einem Stück Landes im Gebiet und Kirchspiel Bauske in beschriebenen Grenzen, ferner mit einem Stück Wildnis an der Garrose, gleichfalls in beschriebenen Grenzen, zu Lehngutsrecht. Wolmar, 1516 Juni 26
Lehnsurkunde
Überlieferung:
aus A: Ausf.
Material: Perg.
Archiv: Riga, Hist. StaatsA., Best. 5561, Fb. 4, Akte 220; GStAPK, VIII. HA B 24: Sammlung Stavenhagen Urk. Nr. 245
Hide variants and comments | Show variants | Show comments | Show variants and comments |
Wy Wolther vann Plettembergge, meister tho Lyfflannde Duytzsches ordenns, donn kunth, bokennenn unnd botugenn inn unnd myth dusszenn unnszenn apenenn vorszegeldenn breve vor ydermennychlick, de ehnn szeenn, horenn offte leszenn, dath wy myt wyllenn, rade unnd vulborde unnszer erszamenn medegebedigere gegevenn, gegunth unnd vorlennth hebbenn unnd inn crafft dusses breves gevenn, gunnen unnd vorlenenn Mertenn Schultenn unnd alle synenn rechtenn warenn ervenn eynn stucke landes, im gebede unnd kerspell thom Bowske bolegenn inn dussenn naboschrevenn schedingenn: innt erste anthohevenn vann der Semegalsschenn A tho eynem pener
dennsulfftenn up tho volgenn ann eynen appelbom, de botekent is myt eynem crutze, dar eyne kule by myt kalenn gefulleth is
vann dar tho eynem eikennbome myt eynem crutze unnd eyne kule dar bovestigeth
vann dar tho folgennde bis ann eynn andere eyke, myt eynem crutze getekent, eynn kule darby myt kolenn gefulleth
vann dem eikennbome tho gande wedder inn de dwer na Gerckenn Trummenn synn lanth bis tho noch eynem eickbome myt eynem crutze, eynn kule darby myt kolen gefulleth
vann dem eickbom tho gande vann bomenn tho bomenn, vann kulenn tho kulenn bis ann eynenn andern eickbome, myt eynem crutze getekent, eyne kule darby myt kolen gefullet
vann dem eickbome tho gande tho eynenn pener, welcker wedder inn de Semegalssche A schuth
vorth inn de dwer aver de A upp der Sissememunde up tho volgennde tho eynem gravenn
denn gravenn up tho gande bis ann eynenn eickennstubbenn, myt eynem crutze getekent, eyne kule darby myt kolenn gefulleth
vann dar tho gande vann kulenn unnd bomenn bovestigeth dorch eynn gebrokede tho eynem eickbom, myt eynem crutze getekennth, eynn kule darby myt kolenn gefullet
vann dem eickbom wedder inn de dwer tho gande bis an eynenn andernn eickbom, myt eynem crutz getekent, dar eynn foeth by gegravenn steit
hir aff tho gande vann bomenn unnd myt kulenn bevestiget, unnd so vorth aver de Sisseme bis tho eynem appelbom, myt eynem crutze getekenth
vann dar tho gande bis up eynen pener, denn tho folgende wedder inn de Semegalssche A. Hirtho gevenn wy noch gemeltem Mertenn unnd synenn ervenn eyne wyltenisse, de bolegen is up eyne becke, genometh de Garosze, dar eynn cruys ann eynen eykennboem gehouwen is, war by eyne kule is myt kolenn gefulleth
vann dar tho gande myt boemenn unnd kulenn bofestigeth tho eynem vleitekenn, genometh de Ringell
demsulfftenn eynn stucke weges up tho volgende bis ann eynn greenbom, myt eynem cruße getekennth, eynn kule darby myth kolenn gefulleth
vann dar tho busschwort anthogande unnd dar untlanges vann bomenn unnd kulenn bis ann eyne heide
dar thur fordernn hannth ann eynen wege, darby e[y]nn kule myt kalenn gefulleth is
vann dar tho gande vann kulenn tho kulenn bis ann noch eyne kule myt kalenn gefulleth
vann der kulenn dwer aver de heide tho gande vann bomenn tho boemenn, vann kulenn tho kulenn bis up Guddels wege, dar eynn cruß ann eynen furennboem gehowenn is, eyne kule darby myt kolenn gefulleth
deme wege eynn wyltydes tho folgenn bis ann eyne kule, myt kolenn gefulleth
vann dar thor luchternn hanth aff tho gande vann bomenn unnd kulenn bis ann eynem wege, dar eyn crutze ann eynen grenenn bome gehouwenn is, dar by eyne kule myt kolenn gefulleth
deme wege tho folgende bis kegenn eyne groffte, de genomet wert Seldestrowte, unnd so vorth wedder inn de Garoßee
myt aller thobohorunge, nuth unnd boqwemicheit, wo de genomet synn ader genometh mogenn werdenn, ann ackernn geradet unnd ungeradeth, hoyslegenn, weßenn, weydenn, vedrifftenn, holtinghenn, busschenn, woldenn, birszenn, waternn, beckenn, sehnn, sypenn, honnychbomenn, honnychweidenn, visscherienn, vogelienn unnd allet, war gemelte Mertenn unnd alle syne rechte war[e]nn ervenn mogenn recht tho hebbenn, tho bosittende, tho gebrukende unnd tho boholdende, nychtes butenn bescheidenn, frig, fredesamlick nach leengudes rechte tho ewigenn tydenn. Dusses inn orkunde unnd merer bofestunge der warheit hebbenn wy Wolter, meister bovenngemelt, unnsze ingesegell unndenn ann dusszenn breff latenn hangenn, de gegevenn is tho Wolmer am donnerstages nach Johannis baptiste im viffteinhundersten unnd sesteinden jare.(?)